Almatyda jazushy Ilyas Yusuf mektepter men kítaphanalarǵa 1000-nan asa kítap syılady, – dep habarlaıdy aqshamnews.kz tílshísí.
Búgín Almaty qalasyndaǵy Alatau Creative Hub ortalyǵynda Halyqaralyq balalardy qorǵau kúní men oqu jylynyń ayaqtaluyna oraı jazushy, dramaturg jáne qoǵam qaıratkerí Ilyas Yusuftyń qatysuymen qaıyrymdylyq mádenı ís-sharasy óttí. Qoǵamdyq mańyzy bar būl bastama Memleket basshysynyń kítap oqu mádenıetín damytu, óskeleń ūrpaqtyń zıyatkerlík áleuetín arttyru jáne «Oqıtyn ūlt» jobasyn íske asyru jóníndegí tapsyrmalaryn qoldau maqsatynda júzege asyryldy.
Oqu mádenıetín damytu, balalar men jasóspírímder arasynda otandyq ádebıettí nasıhattau, zamanauı basylymdar men tarıhı komıkster arqyly bílím beru mekemeleríne qoldau kórsetuge baǵyttalǵan jıynǵa ádebıet súıer qauym men 100-den asa mektep oqushylary qatysty.
Kezdesudíń alǵy sózínde jazushy Ilyas Yusuf balalardy merekemen qūttyqtap, búgíngí kúnníń ózí úshín erekshe ekenín atap óttí. «Bala kezímde 1 mausym kúní tura osy oryndyqtarda otyryp, maǵan da kítap syılaǵan adaardyń sózín tyńdaǵan edím. Al búgín men dál sol jerde tūryp, óz shyǵarmashylyǵymdy sízderge ūsynu baqytyna ıe bolyp otyrmyn. Sízderdíń de bolashaqta úlken bıíkterdí baǵyndyryp, óz eńbekteríńízdí keıíngí ūrpaqqa jetkízetínderíńízge senemín», – dep tílek bíldírdí.
Taǵylymy mol ádebı-tanymdyq kezdesuge jınalǵandar jazushymen erkín sūhbat qūryp, shyǵarmashylyq joly, ádebıettegí ízdenísterí men bolashaq josparlary turaly áńgíme órbíttí. Ásírese oqushylar tarapynan qoıylǵan sūraqtar olardyń ádebıetke degen qyzyǵushylyqtyń joǵary ekenín kórsettí.
Sondaı-aq avtor shyǵarmashylyq jolynyń 7 jyldyǵyna oraı jas oqyrmandarǵa 200 kítap, al mektepter men kítaphanalarǵa 1000-nan astam qazaq jáne orys tílderíndegí kítaptardy tartu ettí. Syıǵa berílgen basylymdardyń qatarynda Qazaq handyǵynyń tarıhyna arnalǵan «Kereı men Jáníbek» komıksí, sondaı-aq «Ten angela», «Nochnaya sımfonıya», «Ya vchera. Segodnya. Zavtra», «Jızn moımı glazamı» jáne basqa da shyǵarmalary bar.
Atalǵan ádebı shara jastar arasynda kítap oqu mádenıetín nyǵaıtuǵa, ūlttyq ádebıettí qoldauǵa jáne ruhanı qūndylyqtardy dárípteuge múmkíndík berdí.