Tótenshe jaǵdaı mınıstrlígí aulalarda retsíz qoıylǵan kólíkterge qatysty úndeu jasady, – dep habarlaıdy aqshamnews.kz tílshísí.
Órttí sóndírudí qıyndatatyn sebepterdíń bírí — tūrǵyn úılerge órt sóndíru tehnıkasynyń kíre almauy. Būl kóbínese kólíkterdíń retsíz tūraqqa qoıyluy saldarynan bolady.
"Tótenshe jaǵdaılar qyzmetí men polıtsıya qyzmetkerlerí máselení óz kózderímen kóríp, onyń aldyn alu maqsatynda profılaktıkalyq reıdter júrgízude. Qazaqstan Respublıkasy Órt qauípsízdígí qaǵıdalarynyń 164-tarmaǵyna sáıkes: "Ǵımarattarǵa, qūrylystarǵa, syrtqy satylarǵa jáne órtke qarsy su kózderíne aparatyn joldar, kírme joldar men ótpe joldar jaramdy kúıde ūstalyp, órt sóndíru tehnıkasynyń erkín ótuíne qoljetímdí boluy tıís", - delíngen habarlamada.
Tótenshe jaǵdaı kezínde kez kelgen kídírís adam ómíríne qauíp tóndíruí múmkín.
Aıta keteıík, qaıǵyly oqıǵa 12 sáuírge qaraǵan túní Astanadaǵy Túrkístan kóshesínde ornalasqan 21 qabatty tūrǵyn úıdíń 15-qabatyndaǵy páterlerdíń bírínde boldy.
Páterden úsh balanyń máıítí tabyldy. Órtsóndírushíler bír áıeldí qūtqaryp qaldy, keıín ol auruhanaǵa jatqyzyldy. Joǵary qabattardan 20 adam evakuatsıyalandy, taǵy 40-qa juyq tūrǵyn ǵımarattan óz betínshe shyǵyp úlgergen.
Būl derek boıynsha sotaldy tergep-tekseru bastaldy, tıístí saraptamalar taǵaıyndaldy. Keıín kómektíń keshíguíne retsíz qoıylǵan kólík atalyp, onyń ıesí jazalandy.