Buǵan salyqtyq shegerimderge qatysty kúshine engen jańa ózgerister sebep bolyp otyr, dep habarlaıdy aqshamnews.kz
Buryn jalaqynyń 55 myń teńgege deıingi bóligine salyq salynbaıtyn. Endi bul shek 130 myń teńgege deıin ulǵaıtyldy. Osylaısha, salyqtan bosatylǵan soma 75 myń teńgege artty. Al osy aıyrmanyń 10 paıyzy — 7 500 teńge — qyzmetkerdiń jalaqysynda qalýy kerek.
Qarjy sarapshysy, eks-bankır Sultan Elemesovtiń aıtýynsha, jalaqydan ustalatyn salyq — jumys berýshiniń emes, qyzmetkerdiń óz salyǵy. Jumys berýshi tek salyq agenti retinde sol qarjyny memleketke aýdaryp otyrady. Sondyqtan zańnamadaǵy ózgerister nátıjesinde paıda bolǵan barlyq jeńildikter tikeleı qyzmetkerdiń tabysy bolyp esepteledi.
Sarapshy osyǵan baılanysty qyzmetkerlerge býhgalterıaǵa baryp, jalaqynyń ósetin-óspeıtinin naqtylap suraýǵa keńes beredi. Sebebi buryn qoldanylǵan standartty shegerim — 14 aılyq eseptik kórsetkishtiń ornyna endi 30 aılyq eseptik kórsetkish kólemindegi bazalyq shegerim engizilgen.
Alaıda bul jeńildik avtomatty túrde berilmeıdi. Salyqtyq shegerim tek qyzmetker býhgalterıaǵa tıisti ótinish tapsyrǵan jaǵdaıda ǵana qoldanylady.