Kóktemníń jarqyn merekesí — Kórísu kúní jáne Nauryz meıramy qarsańynda Almaty qalasynyń Tótenshe jaǵdaılar departamentínde kóktemdí qarsy aluǵa jáne ūlttyq dástúrlerdí nasıhattauǵa arnalǵan merekelík ís-shara ūıymdastyryldy, – dep habarlaıdy aqshamnews.kz tílshísí.
Merekeníń qūrmettí qonaqtary retínde qyzmet ardagerlerí shaqyryldy. Ís-sharanyń kórkín Jetísu audany №9 Oqushylar úıíníń tárbıelenushílerí daıyndaǵan shyǵarmashylyq nómírler erekshe asha tústí. Jas ónerpazdar dombyramen dástúrlí kúıler oryndap, kontserttík baǵdarlama ūsyndy.
Merekelík sharanyń negízgí maqsaty – ūlttyq dástúrler men ruhanı qūndylyqtardy dárípteu.
Būl kúní qatysushylar úlkenderdí qūrmetteu, kíshíge qamqorlyq pen ízet kórsetu dástúríníń mańyzdylyǵyn atap óttí. Mereke jyly árí dostyq atmosferada ótíp, halyqtyń mádenı mūrasy men ízgí dástúrlerín saqtaudyń mańyzyn taǵy bír márte eske saldy.