Búgín tańerteńnen bastap Almatydaǵy №383 referendum uchaskesínde el úshín mańyzdy oqıǵaǵa qatysqysy kelgen tūrǵyndardyń belsendílígí baıqaldy. Óz tańdauyn jasaǵandardyń qatarynda tanymal qazaqstandyq ánshí Maqpal Júnísova da boldy, – dep habarlaıdy aqshamnews.kz tílshísí.
Maqpal Júnísovanyń píkírínshe, referendumǵa qatysu — azamattyq jauapkershílíktí tanytyp, el bolashaǵyna degen janashyrlyqty bíldírudíń bír joly.
«Men úshín Qazaqstan taǵdyryna qatysty mańyzdy sheshímderge qatysu óte mańyzdy. Dauys beru — óz ūstanymyńdy bíldíríp, eldíń bolashaǵyna degen jauapkershílígíńdí kórsetu», — dedí Qazaqstannyń halyq ártísí.
Ol sondaı-aq referendum sekíldí mańyzdy oqıǵalar túrlí buyn men mamandyq ıelerín bíríktíríp, qoǵamnyń kemeldígín jáne azamattardyń belsendí ūstanymyn kórsetetínín atap óttí.
«Árbír dauys mańyzdy. Referendumǵa qatysu — el ómíríndegí mańyzdy ózgerísterge beıjaı qaramaı, memleketímízdíń damuyna yqpal etuge daıyn ekenímízdí kórsetudíń múmkíndígí», — dep qosty Maqpal Júnísova.