5 aqpanda Pavlodar oblysynyń aumaǵynda polıtsıya qyzmetkerlerí prokuraturanyń úılestíruímen Qyzyl kítapqa engen qūstardy zańsyz túrde shetelge shyǵaru boıynsha qylmystyq shemany anyqtap, jolyn kestí, - dep habarlaıdy aqshamnews.kz.
Sırek kezdesetín qūstardy aulau Bayanauyl memlekettík ūlttyq tabıǵı parkíníń aumaǵynda júzege asyrylǵan. Atalǵan qylmysty jasady degen kúdíkpen bír top adam, onyń íshínde Bayanauyl ūlttyq parkíníń qyzmetkerlerí de ūstaldy.
17 tíntu sharasy júrgízílíp, nátıjesínde 40-tan astam qūs, 5 atys qaruy, shamamen 200 oq-dárí, suyq qarudyń bírneshe túrí, qūstardy ūstauǵa jáne tasymaldauǵa arnalǵan qūraldar, sondaı-aq basqa da mańyzdy aıǵaq bolar zattar tárkílendí. Memleketke keltírílgen aldyn ala shyǵyn kólemí 120 mıllıon teńgeden asady. Sotqa deıíngí tergep-tekseru júrgízílíp jatyr. Barlyq ūstalǵan adam qamauǵa alyndy. Tergeu múddesíne baılanysty ózge málímetter jarıya etílmeıdí