«Altyn-Emel» ulttyq parkinde ornatylǵan fototuzaqqa Qyzyl kitapqa engen sırek jyrtqysh – búrkitterdiń (Aquila chrysaetos) sý aıdynynda shomylyp júrgen sáti túsip qaldy, dep habarlaıdy Aqshamnews.kz tilshisi.
Beınejazba ulttyq parktiń Instagram-paraqshasynda jarıalanyp, jeli qoldanýshylarynyń erekshe qyzyǵýshylyǵyn týdyrdy. Kadrlarda jyrtqysh qustardyń qoryq aýmaǵyndaǵy jasandy sý aıdynyna túsip, qanatymen sý shashyp, shomylyp júrgeni anyq kórinedi.
Ulttyq park ókilderiniń aıtýynsha, bul derekter jyrtqysh qustardyń minez-qulqyn zertteýge ǵana emes, olardy qorǵaý boıynsha bolashaq sharalardy josparlaýǵa da negiz bolady.
«Alynǵan málimetter jyrtqysh qustardy qorǵaý sharalaryn jetildirýge, olardyń mekendeıtin ortasyn saqtaýǵa jáne antropogendik áserdi azaıtýǵa baǵyttalǵan aldaǵy jumystardyń negizi bolmaq», – dep málimdedi park ákimshiligi.,