Týrızm jáne sport mınıstrligi otandyq jáne sheteldik qonaqtarǵa arnalǵan qysqy demalysqa barýǵa turarlyq úzdik 7 baǵytty usynady, - dep habarlaıdy aqshamnews.kz.
Rıdder, Shyǵys Qazaqstan oblysy – Batys Altaı memlekettik tabıǵı qoryǵy
Rıdder – qysta erekshe sulýlyqqa bólenetin Altaı taýlarynyń injý-marjany. Qalyń shyrshaly taıga, aq qarǵa oranǵan taý bókterleri men ásem tynyshtyq bul aımaqty qysqy demalysqa tamasha mekenge aınaldyrady.
Qyzmet túrleri: taý shańǵysy, frıraıd, snoýbord, qysqy haıkıng, fototýrlar.
Ereksheligi: Batys Altaı qoryǵy qysta erekshe sánge enip, tabıǵaty kóz tartady. Bul óńir ekotýrızmniń naǵyz ortalyǵyna aınalady.
Katonqaraǵaı ulttyq tabıǵı parki
Qazaqstandaǵy eń iri ulttyq parkterdiń biri Katonqaraǵaı qysta múlde bólek bir atmosferaǵa enedi.
Nesimen tanymal: Berel qorǵany, Rahman qaınary, Qarakól kóli, muzdy shyńdar jáne qalyń qaraǵaıly ormandar.
Qysta: qar jamylǵan taý shatqaldary, tumshalanǵan tynyshtyq jáne taza aýa týrıser úshin erekshe demalys syılaıdy.
Belsendilik: ekotýrlar, haıkıng, tabıǵatta foto-joryqtar.
Almaty qalasy – taý shańǵy jáne qysqy sport ortalyǵy
Almaty – Qazaqstannyń qysqy týrızmimen tanymal iri ortalyq.
Shymbulaq – Ortalyq Azıadaǵy eń áıgili taý shańǵy kýrorty, túrli deńgeıdegi trassalarmen jabdyqtalǵan.
Artyqshylyǵy: qala ortalyǵynan taýǵa nebári 20-30 mınýtta jetýge bolady.
Býrabaı memlekettik ulttyq tabıǵı parki
Qysta erekshe sulýlyqqa bólenetin Býrabaı – otbasylyq demalys úshin taptyrmas oryn.
Neni kórýge bolady: Oqjetpes, Býrabaı kóli, qaraǵaıly ormandardyń qarǵa oranǵan kórinisi, tynysh ári taza aýa, jaıly demalys bazalary bul aımaqty jyldyń sýyq mezgilinde de suranysqa ıe etedi.
Belsendilik: shańǵy, kónkı tebý, qysqy serýender.
Kókshetaý memlekettik ulttyq tabıǵı parki – Shalqar-Imantaý kólderi, qaıyń toǵaılary
Bul aımaq – qysqy romantıka men tynyshtyqty baǵalaıtyndar úshin taptyrmas oryn.
Ereksheligi: aq qarǵa oranǵan qaıyń toǵaılary, taza kólder, tynysh ekojúıe.
Qysqy belsendilik: qarly orman ishindegi serýen, qysqy balyq aýlaý, tabıǵat aıasyndaǵy fotosessıalar, tynysh ekodemalys.
Jońǵar Alataýy – Jetisý óńiri
Jońǵar Alataýy – Qazaqstannyń jas ári áleýeti joǵary ekotýrıstik baǵyty.
Nesimen tanymal: bıik taý jotalary, qarly asýlar, jabaıy tabıǵat kórinisteri.
Bul aımaq frıraıd áýesqoılary, qysqy joryq jasaýshylar jáne tabıǵat zertteýshileri úshin qolaıly.
Artyqshylyǵy: shytyrman oqıǵalar týrızmi, tabıǵattyń alǵashqy kúıinde saqtalǵan aımaq.
Baıanaýyl memlekettik ulttyq tabıǵı parki
Qysta Baıanaýyl erekshe tylsym beınege enedi.
Belgili nysandar: Jasybaı kóli, Qońyr áýlıe úńgiri, Botakóz shatqaly, Toraıǵyr kóli.
Qar jamylǵan taý jotalary men orman massıvteri bul aımaqty qysqy fototýrızmniń súıikti núktesine aınaldyrady.
Belsendilik: shańǵy tebý, ekotýrlar, tabıǵatta foto-joryqtar.