Qostanaı oblysynda aua raıynyń kúrt nasharlauyna baılanysty respublıkalyq mańyzy bar avtojoldyń bír bólígínde qozǵalys shektelíp, jolda qalǵan 44 jolaushy, onyń íshínde 12 bala, qauípsíz jerge evakuatsıyalandy, - dep habarlaıdy aqshamnews.kz tílshísí.
Qarabalyq audanynda qolaısyz aua raıyna baılanysty "Almaty – Ekaterınburg" avtojolynyń 318–539 shaqyrym aralyǵy, yaǵnı Qarabalyq kentínen Reseı Federatsıyasynyń shekarasyna deıíngí bólígínde júk jáne qoǵamdyq kólíkter úshín qozǵalysqa uaqytsha shekteu engízíldí. Būl sheshím tótenshe jaǵdaılardyń aldyn alu maqsatynda qabyldanǵan.
Engízílgen shekteuler saldarynan "Chelyabınsk – Tájíkstan" baǵytymen qatynap kele jatqan jolaushylar avtobusynyń qozǵalysy toqtatyldy. Qūtqaru qyzmetterí men jergílíktí atqarushy organdardyń jedel áreketíníń nátıjesínde avtobustaǵy 44 adam, onyń íshínde 12 bala, jylytu punktíne ornalastyryldy.
Jolaushylarǵa qajettí barlyq jaǵdaı jasalyp, olar qauípsízdík sharalarymen qamtamasyz etíldí. Adamdar aua raıy jaqsarǵanǵa deıín jylytu punktínde bolady.
Mamandar qolaısyz aua raıy kezínde alys jolǵa shyqpas būryn avtojoldardyń jaǵdaıyn aldyn ala naqtylauǵa, qozǵalysqa shekteu engízílgen jaǵdaıda sapardy keıínge qaldyruǵa keńes beredí. Sondaı-aq, jolǵa shyqqan jaǵdaıda ózíńízben bírge jyly kıím, quattalǵan ūyaly telefon jáne qajettí zattardy alyp júru ūsynylady.