Áleumettík jelílerde "áskerden qaldyru" nemese "aq bılet" alyp beru boıynsha qyzmet kórsetu jarnamasy taratylyp jatyr. Osyǵan baılanysty Qorǵanys mınıstrlígí merzímdí áskerı qyzmetke shaqyrudy keıínge qaldyru nemese odan bosatu turaly sheshím Qazaqstan Respublıkasynyń zańnamasyna sáıkes tek shaqyru komıssıyasy tarapynan qabyldanatyn túsíndíredí, - dep habarlaıdy aqshamnews.kz tílshísí vedomstvonyń resmı saıtyna sílteme jasap.
Áskerge shaqyru máselelerí boıynsha zańgerlík keńes beru – zańdy qyzmet. Alaıda medıtsınalyq qūjattardy qoldan jasau, jalǵan dıagnozdardy rásímdeu jáne áskerı qyzmetten jaltarudyń ózge de zańsyz tásílderí deldaldar úshín de, shaqyrylushylardyń ózderí úshín de qylmystyq jauapkershílíkke ákep soǵady.
"Vedomstvo azamattardy kúmándí shemalarǵa qatyspauǵa jáne jergílíktí áskerı basqaru organdary (áskerı komıssarıattar) nemese medıtsınalyq komıssıyalar arqyly "máselení sheshíp beruge" kepíldík beremíz dep, azamattardy jańylystyratyn "áskerı komıssarıattardyń kómekshíleríníń" aıla-sharǵylaryna aldanbauǵa shaqyrady", - delíngen habarlamada.
Merzímdí qyzmet jastarǵa bílím beru jeńíldíkterí men granttar alu, kásíbı daǵdylardy meńgeru, dene daıyndyǵyn nyǵaıtu sekíldí naqty múmkíndíkter beredí.
"Sonymen qatar, merzímdí áskerı qyzmet ótkeru kezínde jáne qyzmetten bosatylǵannan keıín ekí aı íshínde áskerı qyzmetshíler úshín kredıttík demalys (nesıelík kanıkul) tetígí qoldanylady. Belgílengen merzímdí tolyq ótegen azamattarǵa bílím beru jeńíldíkterí ūsynylady. Sonyń íshínde olarǵa studenttík jataqhanadan oryn aluǵa da basym qūqyq beríledí", - delíngen saıtta.
Sondaı-aq, joǵary oqu ornyna ŪBT tapsyrmaı-aq bílím beru grantyn alu múmkíndígí qarastyrylǵan. Búgíngí tańda elímízdíń joǵary oqu oryndarynda tegín bílím aluǵa arnalǵan sertıfıkattar merzímdí áskerı qyzmet ótkergen 9 myńnan astam qazaqstandyqqa beríldí.
Azamattar shaqyru komıssıyasynyń shaqyru qaǵazy boıynsha jergílíktí áskerı basqaru organdaryna keluge míndettí.
