Qasıettí Qūrban aıt meıramyna sanauly kúnder qaldy. Osy ūlyq mereke qarsańynda Qazaqstan mūsylmandary dínı basqarmasy qūrban shalu rásímín ońaılatu jáne ádíl ūıymdastyru maqsatynda qurban.muftyat.kz resmı onlaın platformasyn íske qosty.
Būl saıt arqyly qūrbandyq shalǵysy kelgen ár azamat qūrbandyq malyn tańdap, qarajatty qauípsíz túrde audara alady, dep habarlaıdy aqshamnews.kz Múftıyat saıtyna sílteme jasaı otyryp.
Ókíníshke oraı, aǵymdaǵy jyly qūrban shalu rásímín ońaılatu úshín QMDB tarapynan jasalǵan ıgí bastamany terís maqsatta qoldanyp, túrlí alayaqtyq áreketterí oryn aluy yqtımal. Osy sebeptí elímízdíń azamattaryn qorǵau maqsatynda mańyzdy eskertu jasaımyz: Qūrban aıt merekesí kezínde ózderíníń terís maqsattaryn júzege asyru úshín keıbír belgísíz azamattar men ūıymdar jalǵan qūrbandyq saıttaryn ashyp, halyqty adastyryp, qūrbandyqqa audarǵan qarajattaryn ózge maqsatqa paıdalanyp ketuí múmkín. Sondyqtan barshańyzdy abaı boluǵa shaqyramyz.
Alla Taǵala barshańyzdyń qūrbandyqtaryńyzdy qabyl etíp, ízgí nıetteríńízdí arttyrsyn!
