QMDB kollagen qosylǵan kosmetıkalyq ónimderge qatysty úkim shyǵardy, - dep habarlaıdy aqshamnews.kz tilshisi.
Kollagen (grek. kolla – jelim jáne gen) – dáneker ulpalaryn biriktiretin aqýyzdyń bir túri. Qazir kollagen kosmetıkalyq ónimder quramyna, taǵam qospalaryna qoldanylady. Kollagen janýarlardyń súıekterinen, terilerinen, sińirlerinen, balyqtyń qabyrshaǵynan, qustyń shemirshekteri men súıekterinen alynady. Sol úshin onyń sharıǵattaǵy úkimi qandaı nárseden alynǵanyna baılanysty árqalaı bolady.
QMDB málimetinshe, shoshqadan alynǵan kollagen nájis, haram sanalady. Sharıǵatta shoshqanyń etin, maıyn jeýge, terisin qoldanýǵa tyıym salynǵan.
Al balyqtan alynǵan kollagendi qoldanýǵa ruqsat. Sebebi balyq adal ári baýyzdaýdy qajet etpeıdi. Sıyr, qoı sekildi eti jelinetin ári sharıǵatqa saı soıylǵan janýarlar men qustardan alynǵan kollagen. Buny qoldanýǵa bolady.
"Al eti jelinbeıtin janýardan nemese eti jelinetin, biraq sharıǵat jolymen baýyzdalmaǵan maldan jáne qustan alynǵan kollagendi qoldanýǵa bolmaıdy. Tek hımıalyq qurylymy ózgerip, basqa nársege aınalyp ketse nemese túbimen joıylyp, bolmysynan aıyrylsa qoldanýǵa bolady. Al óziniń quramyn túbegeıli ózgertpese, onda ony qoldanýǵa ruqsat joq", - delingen úkimde.