Būl turaly QMDB Tóraǵasynyń orynbasary, naıb múftı Sansyzbaı Qūrbanūly Ramazan aıyna oraı ótken Tóralqa májílísínde málímdedí, - dep habarlaıdy aqshamnews.kz.
«Qazaqstan mūsylmandary dínı basqarmasynyń Tóralqa májílísínde bıylǵy pítír sadaqasynyń mólsherí 735 teńge bolyp belgílendí. Pítír sadaqanyń mólsherí elímíz boıynsha 2 kelí ūnnyń ortasha baǵasymen esepteldí. Al ūnnyń baǵasy QMDB-nyń qala jáne oblys ókíldíkteríníń bergen málímetí negízínde anyqtaldy. Pítír sadaqasyn qūrma, meıíz baǵasymen de beruge bolady.
2026 jylǵy pítír sadaqanyń baǵasy naryqtyq ortasha baǵasymen eseptelíp tómendegídeı bekítíldí:
Bıdaı 2 kg – 318 teńge.
Ūn 2 kg – 735 teńge.
Arpa 4 kg – 514 teńge.
Meıíz 2 kg – 6400 teńge.
Qūrma 4 kg – 12400 teńge.
Qazírgí tańda bıdaıdyń ózí emes, ūn, talqan sekíldí onyń ónímderí keń qoldanylady. Sol sebeptí Qazaqstan mūsylmandary dínı basqarmasy pítír sadaqanyń qūnyn ūnmen esepteudí negízge alady. Óıtkení sharıǵatta bıdaımen qatar onyń ónímderímen de pítír sadaqa beruge rūqsat etíledí.
Pítír sadaqany berudíń uájíp uaqyty aıttyń bírínshí kúní. Ony Ramazan aıynyń bírínshí kúnínen bastap beruge bolady. Uaqytynda bere almaǵan jaǵdaıda aıt namazynan keıín berse de bolady. Alaıda pítírdí aıt namazyna deıín beru – mūstahab.
Osyǵan oraı 2026 jylǵy Ramazan aıyndaǵy bír adam úshín beríletín pítír sadaqa mólsherí 2 kelí ūnnyń naryqtyq ortasha baǵasymen eseptelíp, 735 teńge etíp belgílendí.
Degenmen baı, auqatty adamdar pítír sadaqany 2 kelí meıízben (6400 teńge) nemese 4 kelí qūrmamen (12400 teńge) bergení jaqsyraq. Al pídıya mólsherí – bír adamnyń kúndelíktí (tańǵy jáne keshkí) toıyp íshetín asy. Onyń bıylǵy mólsherí 4000 (tórt myń) teńge bolyp bekítíldí. Būǵan shamasy kelmegender orazanyń ár kúníne pítír sadaqasynyń qūnyn beredí», – dedí QMDB tóraǵa orynbasary.