Spıker psıhıkalyq densaulyqqa degen qyzyǵushylyqtyń artyp kele jatqanyn, mamandar qyzmetíne sūranys ósíp, būl salaǵa júıelí ózgerís qajet bolyp tūrǵanyn atap óttí, – dep habarlaıdy aqshamnews.kz tílshísí.
Óńírlík kommunıkatsıyalar qyzmetínde Qazaqstan ǵylymy kúníne oraı áleumettík-gumanıtarlyq zertteudíń jetístígí men bolashaǵyna arnalǵan baspasóz konferentsıyasy bolyp óttí. Ondaǵy negízgí taqyryptyń bírí eldegí psıhologıyalyq ǵylym men tájírıbe boldy: pedagogıka ǵylymdarynyń doktory, professor Aıgerım Mynbaeva onyń syn-qaterlerí men yqtımal sheshímderí turaly bayandady.
«Búgínde Qazaqstanda da, búkíl álemde de psıhıkalyq densaulyqty saqtau máselesí óte ózektí bolyp otyr. Ómírdíń tez ózgeruí, bolashaqqa degen senímsízdík kúızelís pen mazasyzdyqty kúsheıtedí. Bíz kúızelíske tap bolǵan adamdardyń kóbeıíp, agressıya men qaqtyǵystyń jıílegenín kóríp otyrmyz. Adamdar bír-bírín tyńdaudan qalyp barady», — dedí Aıgerım Mynbaeva.
Onyń aıtuynsha, álemde 2030 jylǵa deıíngí Dúnıejúzílík densaulyq saqtau ūıymynyń psıhologıyalyq máselelerdíń aldyn alyp, kómek qoljetímdílígín arttyruǵa baǵyttalǵan keshendí jospary júzege asyp jatyr. Balalarǵa da erekshe kóńíl bólínedí: 2022 jyly YuNESKO bílím beru júıesí arqyly psıhıkalyq densaulyqty qorǵau strategıyasyn ūsyndy.
«Qazírgí tańda psıholog qyzmetíne sūranys kúrt artty, būl olardyń qyzmetín naqty retteudí talap etedí. Qazaqstanda psıhologıyalyq kómek turaly zań jobasy talqylanyp jatyr, ol mamandardyń jauapkershílígí men qyzmet sapasyn arttyruy tıís. Bíraz elde mūndaı zańdy ótken ǵasyrdyń ortasynan berí qoldanady. Būl másele ál-Farabı atyndaǵy QazŪU bazasynda da talqylana bastady», — dep atap óttí spıker.
QazŪU ǵalymdary jastardyń jaǵdaıyn tereńírek túsínuge kómektesetín zertteuler júrgízíp jatyr. Mysaly, 2000-nan astam student qatysqan halyqaralyq zertteu barysynda qyzdardyń, zıyandy zattardy qoldanatyndardyń jıí kúızelíske tap bolyp, ózín jalǵyz qalǵandaı sezínetíní anyqtalǵan. Tūrmysy būl kórsetkíshke aıtarlyqtaı áser etpeıdí.
Qazaqstan men Reseı studentteríníń arasyndaǵy oıynǵa táueldílíkke salystyrmaly túrde taldau júrgízílgen. Nátıjesínde, reseılík studentterde táueldílík deńgeıí qazaqstandyqtarǵa qaraǵanda joǵary bolyp shyǵyp, áıelderge qaraǵanda erlerde ol joǵary ekení belgílí boldy. Būl rette díndarlyqtyń ózí táueldílíkke aıtarlyqtaı áser etpeıdí, degenmen dínge bekemdeu studentter orta eseppen oıynǵa az uaqyt bóledí eken.
«Qazaqstanda psıhologıyanyń damuy bírneshe baǵytta qatar júruí tıís. Būl — otandyq ǵylym tarıhyn jáne mamandardyń úlesín zertteu, óńírlerde praktıkalyq psıhologıyany damytu men stress pen depressıyanyń aldyn aludyń jańa ádísterín ázírleu. Adamdarǵa qoljetímdí kómek kórsetu jolyn jasap, sonyń íshínde terapıya men qoldaudyń jańa tásílderín engízu kerek. Sondaı-aq psıhologıyany basqa ǵylymdarmen ūshtastyra otyryp zertteulerdí damytu men olardyń nátıjesín tsıfrlyq platformalarǵa engízu qajet», — dep tolyqtyrdy Aıgerım Mynbaeva.
Sarapshylardyń píkírínshe, Qazaqstanda psıhologıyalyq ǵylymnyń odan árí damuy mamandardy dayarlaudan bastap halyqqa tıímdí qoldau qūraldaryn engízuge deıín praktıkalyq sheshímderge de baılanysty.