Almaty qalasy ákímíníń orynbasary Beıbít Shahanov Nauryzbaı audanynyń Abaı shaǵynaudanynda ornalasqan bau-baqsha seríktestíkteríníń tūrǵyndarymen kezdestí., – dep habarlaıdy aqshamnews.kz tílshísí.
Kezdesu barysynda tūrǵyndardyń jer telímderíníń nysanaly maqsatyn bau-baqsha sharuashylyǵynan jeke tūrǵyn úı qūrylysyna (JTQ) ózgertu jóníndegí ótíníshí qaraldy. Sondaı-aq, tūrǵyndar Abaı shaǵynaudanyna qatysty qalanyń Bas josparyna engízíletín túzetuler jobasy boıynsha píkír bíldírdí. Joba ayasynda būl aumaqta áleumettík nysandar, sayabaqtar, kommertsıyalyq jáne tūrǵyn aımaqtar ornalastyru kózdelgen.
Beıbít Shahanov Almatynyń qarqyndy ósíp kele jatqanyn aıtyp, 2040 jylǵa qaraı qala halqy 3,6 mıllıon adamǵa jetuí múmkín ekenín jetkízdí. Osyǵan baılanysty tūrǵyndardy baspanamen, jūmys oryndarymen jáne zamanauı ınfraqūrylymmen qamtamasyz etu míndetí ózektí bola túsedí.
Onyń aıtuynsha, qala aumaǵynda tyǵyzdyǵy tómen árí shashyrańqy ornalasqan qūrylystardyń saqtaluy jer resurstarynyń tapshylyǵyna alyp keledí. Būl óz kezegínde mayatnıktík kóshí-qondy kúsheıtíp, kóshe-jol jelísíne túsetín júktemení arttyrady.
«Qala tau bókterí baǵytynda sheksíz damı almaıdy. Bau-baqsha alqaptary men jeke tūrǵyn úı qūrylysy basym aumaqtardy keshendí jańǵyrtu — Almatynyń ornyqty damuynyń negízgí sharttarynyń bírí. Bas josparda qarastyrylǵan polıortalyqty damu modelí būrynnan qalyptasqan audandardy jańǵyrtyp, ekonomıkalyq belsendílík shoǵyrlanatyn jańa klasterler qalyptastyruǵa baǵyttalǵan», — dedí qala ákímíníń orynbasary.
Sonymen qatar ol Bas josparda belgílengen funktsıonaldyq aımaqtar jobalardy jer uchaskelerí ıelerímen kelísím negízínde íske asyrudy kózdeıtínín atady. Onyń aıtuynsha, jer telímderíníń qūnyn anyqtauda negízgí faktor olardyń qazírgí nysanaly maqsaty emes, Bas josparda bekítílgen qala qūrylysy aımaqtandyru qaǵıdattary.