Ál-Farabı atyndaǵy Qazaq ūlttyq unıversıtetí bazasynda BASF Mining Solutions tehnıkalyq qyzmet zerthanasynyń ashylu saltanaty óttí. Būl Ortalyq Azıyanyń tau-ken-metallurgıyalyq salasyn damytu ayasynda júzege asyrylyp jatqan auqymdy ǵylymı joba.
Aıtuly sharaǵa Ál-Farabı atyndaǵy QazŪU-dyń Basqarma múshesí-akademıyalyq máseleler boıynsha prorektory Alına Galeeva, «BASF Ortalyq Azıya» JShS bas dırektory jáne «Tau-ken ónerkásíbíne arnalǵan sheshímder» baǵytynyń jetekshísí Rostıslav Kamkın, BASF kompanıyasynyń EMEA jáne Ortalyq Azıya aımaǵy boıynsha aımaqtyq bıznes-dırektory Mılyana Spasıch, sondaı-aq BASF Ortalyq Azıyanyń tau-ken-metallurgıyalyq salasyndaǵy klıentterí men seríktesterí jáne bıznes-qauymdastyq ókílderí qatysty.
Jańa zerthana mıneraldy shıkízatty óńdeu jáne gıdrometallurgıya salalarynda qoldanbaly ǵylymı zertteuler júrgízuge, sondaı-aq tau-ken óndírísíníń tıímdílígín arttyratyn ınnovatsıyalyq sheshímderdí ázírleuge arnalǵan.
Saltanatty sharada akademıyalyq máseleler boıynsha prorektor Alına Galeeva jańa zerthananyń ashyluyn ǵylym men óndírís arasyndaǵy strategıyalyq seríktestíktíń naqty kórínísí retínde atap óttí.
«Bíz BASF kompanıyasyn unıversıtetímízdíń kampusynda qarsy aluǵa quanyshtymyz. Būl seríktestík ǵylym men bıznestí jaqyndastyryp, studentter men zertteushílerge praktıkalyq jáne ınnovatsıyalyq jobalarǵa qatysu múmkíndígín beredí. Bíz hımıya jáne hımıyalyq tehnologıya fakultetíníń studentterí osy zerthanamen jūmys ísteu arqyly alǵan bílímderín ís júzínde qoldana alady jáne baǵaly tájírıbe jınaqtaıdy dep senemíz», – dedí prorektor.
Óz sózínde bas dırektor Rostıslav Kamkın zerthananyń ashyluy kompanıya mıssıyasynyń mańyzdy bólígí ekenín aıtty.
«BASF kompanıyasynda bíz tūraqty bolashaq úshín hımıya jasaımyz. Tau-ken ónerkásíbíne arnalǵan sheshímder baǵyty klıenttermen de, akademıyalyq qauymdastyqpen de tyǵyz baılanysta jūmys ísteı otyryp, ınnovatsıyalyq ónímderdí engízuge jáne tau-ken salasyna ózímízdíń tehnıkalyq tájírıbemízben bólísuge baǵyttalǵan. Qazaqstanda zerthana ashu – áríptesterímízben yntymaqtastyqty nyǵaıtu jáne olarǵa sapaly tehnıkalyq qoldau kórsetu jolyndaǵy mańyzdy qadam. Sonymen qatar, būl – bolashaqta salanyń damuyna úles qosatyn jas mamandardy dayarlauǵa qosqan ortaq úlesímíz. Būl bízdíń tūraqty damu salasyndaǵy mıssıyamyzǵa tolyqtaı saı keledí», – dedí kompanıya jetekshísí.
Mamandardyń aıtuynsha, zerthana BASF-tyń flotatsıya men gıdrometallurgıya baǵyttaryndaǵy jahandyq tájírıbesíne súıene otyryp, ken óndíru salasyndaǵy kompanıyalarǵa mıneraldardy bólíp alu, shyǵyndardy azaıtu jáne ekologıyalyq qauípsízdíktí qamtamasyz etuge baǵyttalǵan sheshímderdí ūsynuǵa múmkíndík beredí. Lupromin, Luproset, Luprofroth, LIX, Alamine, Aliquat, jáne LixTRA sıyaqty hımıyalyq reagentterdí synauǵa arnalǵan būl platforma zamanauı qūraldarmen jabdyqtalǵan jáne halyqaralyq standarttarǵa tolyq sáıkes keledí.
Sondaı-aq BASF Central Asia men QazŪU arasyndaǵy būl seríktestík ayasynda studentter úshín óndírístík tájírıbeler ūıymdastyru, bírlesken dáríster kursyn ótkízu, sondaı-aq hımıya jáne hımıyalyq tehnologıya fakultetí ǵalymdarynyń ǵylymı jobalarǵa qatysuy josparlanyp otyr. Būl bastama tek unıversıtetke emes, jalpy óńírlík tau-ken óndírísíníń damuyna oń áser etpek.
