Qazaqstan musylmandary dinı basqarmasynyń tuńǵysh bas múftıi, qurmetti múftı Rátbek qajy Nysanbaıuly dúnıe saldy, - dep habarlaıdy aqshamnews.kz tilshisi.
Qaraly habardy QMDB rastady.
Rátbek qajy týraly ne belgili?
Rátbek qajy Nysanbaıuly 1940 jyly 14 qarashada dúnıege kelgen. Kórnekti dinı qaıratker. Qazaqstan musylmandarynyń tuńǵysh bas múftıi. Qazaq memlekettik sáýlet-qurylys akademıasynyń qurmetti profesory, belgili ǵalym.
Buharadaǵy "Mır-Arab" medresesin jáne Buhar pedagogıkalyq ınstıtýtyn bitirgen. Lıvıa ýnıversıtetinde dinı bilim alǵan.
Ashyq derekkózderde ol bas múftı bolǵan kezde elimizdegi meshitter sany 1,5 myńǵa deıin kóbeıgeni aıtylady. Almatyda Bas meshit salyndy. Onyń bastamasymen Islam ýnıversıteti, Jambyl oblysynyń Merki aýylynda medrese ashyldy, "Islam álemi" jáne "Shapaǵat-Nur" dinı jýrnaldar shyǵa bastady.