Qazaqstan jahandyq shıkízat naryǵynda óz pozıtsıyasyn nyǵaıtyp, tūraqty damu, tsıfrlandyru jáne paıdaly qazbalardy barlau men qaıta óńdeuge ınvestıtsıya tartu baǵytyn ūstanuda, dep habarlaıdy aqshamnews.kz.
Salanyń negízgí jetístíkterí:
• Tau-ken metallurgıya kesheníníń JÍÓ-degí úlesí 8%, óndírílgen óním kólemí 14,3 trln teńgeden, eksport kólemí 21,4 mlrd AQSh dollarynan asty.
• Avstralıyalyq model negízínde engízílgen jer qoınauyn paıdalanu júıesí geologıyalyq barlauǵa 420 mlrd teńgeden astam ınvestıtsıya tartuǵa múmkíndík berdí.
• Jalpy qūny 3,5 trln teńgeden asatyn bes írí ınvestıtsıyalyq joba íske qosylady dep kútílude, nátıjesínde 8 myńǵa juyq jańa jūmys orny ashylady.
• Qazaqstan tıtan, mys, alyumınıı, ferroqorytpalar, sondaı-aq berıllıı, tantal jáne nıobıı syndy sırek árí strategıyalyq mańyzdy metaldardy óndírude álemdík kóshbasshylar qatarynda.
• Jer qoınauyn paıdalanuda aınalmaly (tsırkulyarly) modelge kóshu jalǵasuda: 55 mlrd tonnadan astam tehnogendík mıneraldyq túzílímderdí (TMT) túgendeu jūmystary bastaldy.
• 2025 jyly elímízde tūńǵysh ret volfram óndírísí íske qosylady, sondaı-aq ystyqqa tózímdí nıkel qorytpalary, gallıı jáne ıntermetallıdterdí óndíru tehnologıyalary damytyluda.
Qazaqstan baı mıneraldyq qordy zamanauı ınfraqūrylymmen jáne jahandyq tūraqty damu standarttarymen ūshtastyra otyryp, halyqaralyq seríktester men ınvestorlar úshín ashyq, tūraqty jáne boljamdy orta qalyptastyruda.