Qazaqstan Respublıkasynyń Qorǵanys mınıstrí Máskeudegí IX Halyqaralyq qauípsízdík jóníndegí konferentsıyaǵa qatysty.
Būl sharany 2012 jyldan berí jyl saıyn Reseı Federatsıyasynyń Qorǵanys mınıstrlígí ótkízedí. Atalmysh konferentsıyaǵa ŪQShŪ, ShYŪ, NATO-ǵa múshe elderdíń, Tayau Shyǵys, Europa jáne Azıya elderíníń qorǵanys vedomstvolarynyń basshylary, halyqaralyq ūıymdardyń basshylary, sondaı-aq akademıyalyq toptardyń ókílderí men úkímettík emes sektordyń sarapshylary qatysady. Qazaqstan ókílderí osy forumda jyl saıyn ózektí taqyryptarǵa bayandamalar jasaıdy, dep habarlady Almaty-akshamy.kz QR Qorǵanys mınıstrlígíníń baspasóz qyzmetí taratqan habarǵa sílteme jasap.
Ís-shara áskerı vedomstvolardyń ózara qarym-qatynasyn nyǵaıtuǵa, jańa qauíp-qauípterge qarsy ís-qımyldyń bírlesken joldaryn ízdeuge baǵyttalǵan.
Konferentsıyaǵa qatysushylar halyqaralyq áskerı sayasattyń, jahandyq jáne óńírlík qauípsízdíktíń úrdísterí men máselelerín talqylady. Olardy sheshudegí qorǵanys vedomstvolarynyń atqaratyn qyzmetí mańyzdy.
Qorǵanys mınıstrí, general-leıtenant Nūrlan Ermekbaev COVID-19 koronavırus ınfektsıyasymen kúreste áskerı vedomstvonyń atqarǵan jūmysy turaly bayandama jasady. Ol pandemıya kezínde elde áskerdí paıdalanudyń tájírıbesímen bólístí.
Atap aıtqanda, áskerı qyzmetshíler áleumettík mańyzy bar obektíler men joldardy dezınfektsıyalady. Blokpostarda qyzmet ettí jáne eldí mekenderdí patruldedí. Azamattyq densaulyq saqtau mekemeleríne kómek kórsetu úshín dárígerlerden qūralǵan brıgadalar bólíndí. Áskerı-medıtsınalyq mekemeler qaıta jabdyqtaldy. Áskerı-kólík avıatsıyasynyń kúshímen shetelden Qazaqstannyń azamattaryn ákeldí, sondaı-aq áskerler men júkterdí tasymaldady. Zapastaǵy áskerı qyzmetshílerdíń arnaıy jıyndary óttí.
Atalǵan sharalarǵa barlyǵy 13 000-nan astam áskerı qyzmetshí jūmyldyryldy. Sarapshylardyń aıtuynsha, halyqtyń jalpy sanyna shaqqanda jūmyldyrylǵan áskerı qyzmetshíler sany jaǵynan Qazaqstan álemde bírínshí oryndardyń bírín alady. Būl qazaqstandyq armıyanyń koronavırus ınfektsıyasynyń taraluyna qarsy ís-qımylǵa qosqan eleulí úlesín kórsetedí.
Tótenshe jaǵdaı kezeńínde ís-qımyldar nátıjelerí boıynsha ūıymdastyru sıpatynda bírqatar sheshímder qabyldandy. Atap aıtqanda, radıatsıyalyq, hımıyalyq, bıologıyalyq qorǵau jáne ekologıyalyq qauípsízdík áskerleríníń departamentí qūryldy. RHBQ áskerlerí, áskerı medıtsına, áskerı-kólík avıatsıyasynyń múmkíndíkterí kúsheıtíldí. «Qos maqsattaǵy» komponentterdíń múmkíndíkterí artyp, olar tek soǵysta ǵana emes, beıbít uaqytta da sūranysqa ıe boldy.
Osy oraıda, Qaruly Kúshter azamattyq qorǵanys organdarynyń míndetterín oryndady. Elímízde tótenshe jaǵdaılar mınıstrlígí jūmysyn qaıta bastady.
Konferentsıyaǵa qatysushylar Qazaqstan Respublıkasy Qaruly Kúshteríníń COVID-19 pandemıyasy kezeńíndegí áreketterín joǵary baǵalady.
Qazaqstan qorǵanys vedomstvosynyń basshysy Qaruly Kúshterdegí jeke qūramnyń densaulyǵyn saqtauda áskerı dárígerlerdíń joǵary kásíbılígí men tıímdí jūmysyn, sondaı-aq olardyń pandemıya kezínde koronovırusqa qarsy ís-qımylǵa qosqan zor úlesín jeke atap óttí. El áskerínde ekpe salu jalǵasuda. COVID-19-ǵa qarsy qajettí deńgeıde ūjymdyq ımmunıtet qalyptasty.
Būdan ózge, sapar ayasynda general-leıtenant Nūrlan Ermekbaev Máskeu oblysynda ornalasqan arnaıy maqsattaǵy áskerı bólímderdíń bírín aralady. Mınıstr jauyngerlík dayarlyqtyń barysymen jáne oqu-materıaldyq bazasymen tanysty.
