Egin jınaý naýqany Qazaqstannyń 14 oblysyn qamtıdy.
Búgingi tańda 1,5 mln gektar alqap jınalyp, 2 mln tonnadan astam dándi jáne dándi-burshaqty daqyl bastyryldy, dep habarlaıdy aqshamnews.kz.
Sonymen qatar maıly daqyldardy jınaý jalǵasýda: 28,0 myń gektardan 20,5 myń tonna ónim alyndy.
Ósimdik sharýashylyǵynyń basqa baǵyttary da joǵary qarqynmen damyp keledi. Atap aıtqanda, 18,0 myń gektardan (13,8%) 458,0 myń tonna kartop, 47,8 myń gektardan (37%) 1,4 mln tonna kókónis, al 64,2 myń gektardan (68,5%) 1,7 mln tonna baqsha daqyldary jınaldy.
Eldiń ońtústik óńirlerinde egin jınaý jumystary aıaqtalýǵa jaqyn.
Shymkent qalasynda egin jınaý tolyq aıaqtaldy. Túrkistan jáne Jambyl oblystarynda dándi jáne baqsha daqyldaryn jınaý jumystary aıaqtalý kezeńinde.
Túrkistan oblysynda 337 myń tonna dándi daqyl, 791,3 myń tonna kókónis jáne 1,1 mln tonna baqsha daqyldary jınaldy. Jambyl oblysynda 463,4 myń tonnadan astam astyq, 341,4 myń tonna kókónis jáne 336,5 myń tonna baqsha daqyldary jınaldy.
Egin jınaý naýqany qalypty jaǵdaıda ótýde.