Qazaqstanda mūnaı, altyn jáne basqa da resurstar qory qansha jylǵa jetedí? Būl sūraqqa Ónerkásíp jáne qūrylys mınıstrlígí Geologıya komıtetí tóraǵasynyń míndetín atqarushy Qanat Erubaev jauap berdí, - dep habarlaıdy aqshamnews.kz tílshísí.
Jurnalıster Qanat Erubaevtan "Resurstar "tausylǵannan" keıín Qazaqstan qandaı sharalar qabyldaıdy?" dep sūrady.
"Shynymdy aıtsam, "qansha jylǵa jetedí" degen sūraq dūrys qoıylmaǵan. Óıtkení qandaı jaǵdaıda da barlau jūmystary júrgízíledí, qor tolyqtyrylyp otyrady, qosymsha qordy kóbeıtu úshín jer qoınauyna memlekettík geologıyalyq zertteu júrgízíledí", – dep jauap berdí ol.
Degenmen ol shamamen eseptelgen qor kólemí men merzímín aıtty.
"Shamamen aıtsaq, paıdaly qazbalar qorynyń memlekettík esebínde 4 mıllıard tonnadan asa mūnaı bar. Qazírgí óndíru kólemín saqtasaq, būl qor shamamen 50 jylǵa jetedí. Al altynǵa kelsek, memlekettík esepte, qatelespesem, 2,3 myń tonna altyn bolǵan. Qazírgí óndíru kólemímen būl qor bízge 37 jylǵa jetedí", – dedí Qanat Erubaev.
