Astana halyqaralyq áýejaıynda karantınge jatqyzylǵan ónimdi ákelý faktisiniń joly kesildi, dep habarlaıdy Aqshamnews.kz tilshisi.
Aýyl sharýashylyǵy mınıstrliginiń aqparatynsha, áýejaıdyń fıtosanıtarıalyq baqylaý beketinde memlekettik ınspektor karantınge jatqyzylǵan ónimniń ulttyq zańnama talaptaryn buza otyryp elge ákelingenin anyqtaǵan.
"Úndistanda óndirilgen, biraq Koreıa Respýblıkasynan ákelingen qyzanaq tuqymdarynan karantındik obekt — qyzanaq jemisteriniń qońyr qatparly vırýsy (Tomato brown rugose fruit virus) tabyldy. Bul vırýs aýyl sharýashylyǵy óndirisine, ásirese kókónis sharýashylyǵyna eleýli zıan keltirýge qabiletti asa qaýipti karantındik obektilerdiń qataryna jatady jáne eldiń fıtosanıtarıalyq qaýipsizdigine eleýli qater tóndiredi", - delingen habarlamada.
Karantınge jatqyzylǵan ónimniń ıesine qatysty ákimshilik is qozǵalǵan. İs materıaldary prosesýaldyq sheshim qabyldaý úshin sotqa joldandy.