Osy turaly málímdegen Densaulyq saqtau mınıstrlígíníń deregínshe, būl táuelsíz el tarıhyndaǵy absolyuttí kórsetkísh, – dep habarlaıdy aqshamnews.kz tílshísí.
DSM 1991 jyldan berí qazaqstandyqtardyń ómír súru ūzaqtyǵy qalaı ózgergení turaly aıtty. Vedomstvonyń málímetínshe, Qazaqstanda ómír súrudíń ortasha ūzaqtyǵy 75,97 jasqa jetken.
1991 jyly ómír súru ūzaqtyǵynyń ortasha kórsetkíshí 67,6 jas bolǵan (2001 jyl – 65,6, 2011 jyl – 68,98, 2021 jyl – 70,23). Osylaısha, otyz bes jyl íshínde Qazaqstan azamattarynyń ortasha ómír súru ūzaqtyǵy 8 jyldan astam uaqytqa artty, – delíngen habarlamada.
Būl kórsetkíshke bírneshe faktor áser etíp otyr. Densaulyq saqtau mınıstrlígíníń aıtuynsha, Qazaqstandaǵy ólím-jítímníń negízgí sebepteríníń bírí bolyp tabylatyn jūqpaly emes aurularmen kúres sharalaryn kúsheıgen.
Eske salaıyq, būǵan deıín qūzyrly mınıstrlík Qazaqstandaǵy árbír besínshí ólím ınfektsıyalarmen baılanysty emes ekenín jáne būl úlestíń ósíp kele jatqanyn aıtqan bolatyn. Búgínde negízgí qauíp ómír saltyna tíkeleı baılanysty aurulardan tuyndap otyr.
Jūqpaly emes aurulardyń úlesíne barlyq ólím jaǵdaılarynyń shamamen 80 paıyzy tıesílí. Negízgí sebepter – júrek-qan tamyrlary aurulary, qaterlí ísík, tynys alu organdarynyń sozylmaly aurulary jáne qant dıabetí.