Úkímet otyrysynda Premer-mınıstr Oljas Bektenov Konstıtutsıyany túsíndíru jóníndegí bekítílgen ís-sharalar jospary ayasynda aqparattyq-túsíndíru jūmystary júıelí túrde júrgízílíp jatqanyn atap óttí, – dep habarlaıdy aqshamnews.kz tílshísí.
«Memleket basshysynyń tapsyrmasyna sáıkes Úkímet elímízdíń Konstıtutsıyasyn túsíndíru jóníndegí ís-sharalar josparyn bekíttí.
Qazírgí tańda sarapshylar men qoǵam qaıratkerleríníń qatysuymen Konstıtutsıyanyń barlyq novellalary boıynsha aqparattyq-túsíndíru jūmystary júıelí túrde júrgízílude», — dep atap óttí Oljas Bektenov.
Premer-mınıstr memlekettík organdarǵa bírqatar tapsyrma berdí.
«Mádenıet jáne aqparat mınıstrlígí uákílettí memlekettík organdarmen jáne ūıymdarmen bírlesíp, osy baǵytta josparly jūmysty odan árí jalǵastyruy qajet.
Oqu-aǵartu, Ǵylym jáne joǵary bílím mınıstrlíkterí halyqtyń qūqyqtyq sauattylyǵyn qalyptastyru jóníndegí keshendí baǵdarlamany uaqtyly ázírlep, Konstıtutsıyanyń tyń qaǵıdattaryn mektepter men kolledjderdíń jáne unıversıtetterdíń úlgílík oqu baǵdarlamalaryna engízudí qamtamasyz etuge tıís», — dep atap óttí Úkímet basshysy.
Sondaı-aq zańnamany taldau júrgízíp, baǵdarlamalyq qūjattardy ózektendíru jūmystaryn ayaqtau tapsyryldy.
«Jańa Konstıtutsıya normalaryn eskere otyryp, belgílengen merzímderde qoldanystaǵy zańnamaǵa keshendí taldau júrgízíp, barlyq zańdar men baǵdarlamalyq qūjattardy ózektendíru jūmystaryn ayaqtau qajet.
Barlyq ortalyq jáne jergílíktí atqarushy memlekettík organdarǵa Ís-sharalar josparyn júzege asyrudy qamtamasyz etudí tapsyramyn»,— dep atap óttí Oljas Bektenov.