2026 jyldyń alǵashqy toqsanynda el muzeılerín 820 myńnan astam adam tamashalady, – dep habarlaıdy aqshamnews.kz tílshísí.
Qazaqstanda muzeı mádenıetíne qyzyǵushylyq artyp keledí. 2026 jyldyń alǵashqy úsh aıynyń qorytyndysy boıynsha el muzeılerín 822 791 adam tamashalaǵan.
Mūndaı kórsetkíshke muzeı ınfraqūrylymyn damytu, ekspozıtsıyalardy jańartu jáne kópshílíkke, ásírese jastar men turısterge arnalǵan zamanauı formattardy engízu jūmystarynyń nátıjesínde qol jetkízíldí.
Qazírgí uaqytta respublıka boıynsha 285 muzeı jūmys ísteıdí. Olardyń qatarynda 5 respublıkalyq muzeı, 12 muzeı-qoryq, 15 óńírlík tarıhı-ólketanu, 71 memorıaldyq jáne 16 kórkemóner muzeıí, sondaı-aq qalalyq, audandyq jáne auyldyq muzeıler bar.
Sonymen qatar kórme jáne aǵartushylyq baǵyttaǵy jūmystar da qarqyn aluda.
Jyl basynan berí 1219 kórme ūıymdastyrylyp, jańa ekspozıtsıyalar men taqyryptyq zaldar ashyldy, 4200-den astam mádenı-aǵartushylyq ís-shara ótkízíldí. Olardyń qatarynda dáríster, ekskursıyalar, bílím beru baǵdarlamalary men ınteraktıvtí jobalar bar.
Írí kórme jobalaryn júzege asyru jáne halyqaralyq yntymaqtastyqty damytu jūmystary da jalǵasuda. 2026 jyldyń I toqsanynda respublıkalyq jáne halyqaralyq deńgeıde 28 mańyzdy joba íske asyryldy. Onyń íshínde el tarıhy men mádenıetíníń negízgí kezeńderín tanytatyn taqyryptyq, mereıtoılyq jáne kóshpelí kórmeler ótkízíldí.
Qazaqstan muzeılerí 26 halyqaralyq kórme, festıval jáne salalyq forumdarǵa qatysyp, sheteldík áríptestermen bírlesken jobalardy júzege asyrdy. Būl halyqaralyq baılanystardy keńeıtíp, jańa kelísímderge jol ashty.