Mūnyń sheshímí — Nomad Guard, – dep habarlaıdy aqshamnews.kz tílshísí.
Būl arnaıy qosymsha emes, eGov mobile íshíndegí qyzmettíń bír túrí.
Qazaqstan.tv tílshísíníń habarlauynsha, másele derekterímízdíń retsíz ūrlanuynan tuyndaıdy eken. Endí osy qyzmettíń kómegímen síz ben bíz jeke derekterímízdí kím taratqanyn teksere alamyz.
Nomad Guard servısí derekter jınaqtalǵan barlyq júıení súzgíden ótkíze alady deıdí áríptester. Yaǵnı, qandaı da bír memlekettík qyzmettí alarda, bankte nemese áldebír saıtqa málímet engízsek — sonyń bárí osy júıede kórínedí. Derekterdí kím, qaı uaqytta alǵanyn anyqtauǵa bolady.
Ol úshín ne ísteu kerek?
◾ eGov mobile qoldanamyz
◾ «Qyzmetter» batyrmasyn tańdaımyz
◾ Nomad Guard bólímíne ótemíz
◾ «Tekseru» túımesín basamyz.
Qyzmettíń qandaı nátıje bergenín «Meníń tekserísterím» bólímínen bíle alamyz. Árí qaraı tílshí bylaı bayandaıdy:
Derekterdí kím paıdalanǵanyn bíldík. Árí qaraı ne ísteımíz? Eger tízímde síz júgíngen saıt, ne mekeme bolsa, alańdamańyz.
Mysaly, saıt arqyly kınoǵa bılet aldyńyz delík. Derekteríńízdí sol kúní bír ret qana qoldanǵan. Demek, kúdíktí olar emes. Al tízímde síz eshqashan qoldanbaǵan qyzmet túrí bolsa, Tsıfrlyq damu mınıstrlígíne habarlau qajet.
Ol úshín qaıtadan, eGov qosymshasyna kíríp, e-Ótíním batyrmasyn tańdau kerek. Būdan soń tıístí vedomstvony tańdaısyz da, «Sıpattama» bólímíne jaǵdaıdy bayandaısyz. Al faıldar bólímíne Nomad Guard qosymshasynan alǵan tízímdí bekítesíz. Ony jeke derekteríńíz taraǵany turaly dálel retínde ūsyna alasyz.
Míne, osy qadamdardy jasaǵannan keıín belgísíz nómírlerden keletín qońyraular tyıylady, deıdí jauaptylar.