Qazaqstanda Respublıka kúníne oraı ūıymdastyrylǵan Republic Day jáne Bereke Fest respublıkalyq aktsıyalary jalǵasuda, – dep habarlaıdy aqshamnews.kz tílshísí.
17-27 qazan aralyǵynda elímízdíń barlyq óńírleríndegí sauda ortalyqtary men sauda jelílerí azyq-túlík jáne azyq-túlíkke jatpaıtyn tauarlarǵa jeńíldíkter ūsynuda. Óńírlerdíń málímetínshe, mausymdyq kıím men ayaqkıím, azyq-túlík, tūrmystyq hımıya, balalarǵa arnalǵan tauarlar jáne tūrmystyq tehnıka joǵary sūranysqa ıe.
Merekelík aktsıyalarǵa barlyǵy 649 sauda nysany qosyldy. Onyń 232-sí Republic Day, al 417-sí Bereke Fest aktsıyasyna qatysuda. Jeńíldík mólsherí sauda nysany men tauar sanatyna baılanysty. Jekelegen dúkenderde jeńíldíkter 50%-ǵa deıín jetedí.
Mausymdyq kıím men ayaqkıím sūranysqa ıe
Óńírlerdíń málímetínshe, aktsıyalar kezínde satyp alushylar kúzgí-qysqy kıímderge erekshe qyzyǵushylyq tanytuda. Sūranysqa ıe tauarlar qatarynda mausymaralyq kúrteler, paltolar, djınsy shalbarlar, jempírler, sporttyq kostyumder men ayaqkıímder bar.
Máselen, Almatyda mausymaralyq kúrteler 39 990 teńgeníń ornyna 25 990 teńgege, djınsy shalbarlar 19 990 teńgeníń ornyna 13 990 teńgege, al balalarǵa arnalǵan sporttyq kostyumder 24 990 teńgeníń ornyna 13 740 teńgege ūsynyluda.
Astanada balalar kúrteleríne 40%, parfyumerıyaǵa 40%, al ayaqkıímníń jekelegen úlgíleríne 50%-ǵa deıín jeńíldík qarastyrylǵan.
Qostanaı oblysynda balalar kúrtelerí men kombınezondarynyń keıbír úlgíleríne, sondaı-aq parfyumerıyaǵa 50%-ǵa deıín jeńíldík jasalǵan. Atyrau oblysyndaǵy sauda ortalyqtary kıím, ayaqkıím jáne aksessuarlarǵa 10%-dan 50%-ǵa deıín jeńíldíkter ūsynyp otyr.
Shymkent qalasyndaǵy sauda nysandarynyń málímetínshe, ótken aımen salystyrǵanda kıím satylymy 18%-ǵa, ayaqkıím 16%-ǵa, al aksessuarlar 15%-ǵa artqan.
Azyq-túlík pen kúndelíktí tūtynatyn tauarlar
Bereke Fest aktsıyasy ayasynda satyp alushylar azyq-túlík pen tūrmystyq tauarlardy belsendí túrde satyp aluda. Óńírlerdíń málímetínshe, azyq-túlík ónímderíníń íshínde kúnbaǵys maıy, ūn, qant, jarma, sút ónímderí men jūmyrtqaǵa sūranys joǵary.
Ūlytau oblysyndaǵy supermarketteríníń málímetínshe aktsıya kezínde satylym kólemí 20%-ǵa artqan.
Almaty oblysynda Magnum, Small jáne Toimart sauda jelílerínde sút ónímderíne, makaronǵa, kúnbaǵys maıyna, kondıterlík ónímderge jáne basqa da tauarlarǵa jeńíldíkter qarastyrylǵan. Óńír ūsynǵan málímetke sáıkes, aktsıyaǵa qatysushy sauda nysandarynyń ortasha tauar aınalymy 20–25%-ǵa ósken.
Pavlodar oblysynda sūranysqa ıe azyq-túlík tauarlarynyń qatarynda kúnbaǵys maıy, qant, ūn, jūmyrtqa, kúrísh jáne qaraqūmyq jarmasy atalǵan. Azyq-túlík tauarlaryna jeńíldíkter 50%-ǵa deıín jetedí.
Tūrmystyq tauarlar men balalarǵa arnalǵan ónímderge sūranys
Azyq-túlíkpen qatar satyp alushylar tūrmystyq hımıya, jeke gıgıena qūraldary men balalarǵa arnalǵan tauarlardy da satyp aluda.
Astanada kír juǵysh ūntaqtardyń jekelegen túrleríne 45%-ǵa deıín, kír juuǵa arnalǵan gelderge 32%-ǵa deıín, al ydys juǵysh qūraldarǵa 30%-ǵa deıín jeńíldík ūsynyluda.
Shymkenttegí sauda nysandarynyń málímetínshe, ótken aımen salystyrǵanda jórgekterdíń satylymy 25%-ǵa, balalar taǵamy 30%-ǵa, sūıyq sabyn 15%-ǵa 10%-ǵa artqan.
Qaraǵandy oblysynda da jekelegen tūrmystyq tauarlardyń satylymy ósken. Atap aıtqanda, kír juuǵa arnalǵan gelderdíń satylymy 20%-ǵa, sūıyq sabyn 18%-ǵa ūlǵaıǵan.
Sonymen qatar Republic Day aktsıyasy ayasynda satyp alushylar tūrmystyq tehnıkaǵa, elektronıkaǵa jáne úıge qajettí tauarlarǵa qyzyǵushylyq tanytuda. Almaty oblysyndaǵy sauda nysandarynda tūrmystyq tehnıkanyń jekelegen túrleríne 30%-ǵa deıín jeńíldíkter qarastyrylǵan.
Merekelík aktsıyalar jalǵasuda
Republic Day aktsıyasy sauda-oıyn-sauyq ortalyqtaryn, sauda ortalyqtary men sauda úılerín qamtysa, Bereke Fest aktsıyasy sauda jelílerínde ótedí. Merekelík aktsıyalarǵa qazaqstandyq marketpleıster de qosylyp, satyp alushylarǵa tauarlardyń túrlí sanattary boıynsha jeńíldíkter men arnaıy ūsynystar ázírledí.
Qazaqstan Respublıkasy Sauda jáne ıntegratsıya mınıstrlígí jergílíktí atqarushy organdarmen bírlesíp, respublıkalyq aktsıyalardy ūıymdastyru boıynsha úılestíru jūmystaryn júrgízude.
Merekelík ūsynystar 27 qazandy qosa alǵanǵa deıín júrgízíledí. Jeńíldíkterdíń naqty mólsherí men tauarlar tízímín aktsıyaǵa qatysushy sauda nysandary belgíleıdí.