Qaladaǵy medıtsınalyq ūıymdardyń 100-den astam qyzmetkerí Qazaqstan Respublıkasy Densaulyq saqtau mınıstrlígí atynan marapattar men gramotalarǵa ıe boldy, – dep habarlaıdy aqshamnews.kz tílshísí.
Qazaqstan Respublıkasy kúní qarsańynda Almaty qalasy Qoǵamdyq densaulyq saqtau basqarmasynyń basshysy Marat Pashımov áríptesterín ūlttyq merekemen qūttyqtap, adamdardyń densaulyǵy men ómírín saqtauǵa baǵyttalǵan kúndelíktí eńbegí úshín medıtsına qyzmetkerleríníń eńbegín atap óttí.
Olardyń qatarynda «Eńbek ardagerí» medalí, «Sanjar Asfendıyarov» tósbelgísí, «Sala damuyna qosqan úlesí úshín» medalí, «Densaulyq saqtau ísíníń úzdígí» tósbelgísí, Qūrmet gramotalary men Alǵys hattar bar.
Ár marapattyń artynda kásíbılík, jauapkershílík jáne óz ísíne degen adaldyq tūr. Būl — medıtsına qyzmetkerleríníń densaulyq saqtau júıesín damytuǵa jáne Almaty tūrǵyndarynyń densaulyǵyn qorǵauǵa qosqan eleulí úlesíníń moıyndaluy.
Marat Pashımov áríptesteríne adal eńbegí, joǵary kásíbılígí jáne halyq densaulyǵy jolyndaǵy kúndelíktí jūmysy úshín alǵys aıtyp, aldaǵy uaqytta da tolaǵaı tabystar men jańa jetístíkterge jetuleríne tílektestík bíldírdí