Amputatsıya qaupí tóngen nauqastyń ayaǵyndaǵy qan aınalymyn OQKA tamyr hırurgtary qalpyna keltírdí, – dep habarlaıdy aqshamnews.kz tílshísí.
Almaty qalasynyń Ortalyq qalalyq klınıkalyq auruhanasynyń dárígerlerí qan tamyrlary qatty zaqymdanǵan nauqastyń oń ayaǵyndaǵy qan aınalymyn qalpyna keltírdí.
Qant dıabetí, ūzaq uaqyt boıy íríńdeu jáne arterıyalardyń tolyq bíteluí saldarynan nauqastyń ayaǵyna amputatsıya jasau qaupí tóngen.
Er adam auruhanaǵa shūǵyl túrde jetkízílgen bolatyn.
Nauqastyń aıtuynsha, íríńdeu shamamen bír jarym aıǵa sozylǵan.
Qant dıabetí jaǵdaıdy qıyndatyp, qan tamyrlarynyń zaqymdanu qaupín arttyrǵan jáne jaranyń jazyluyn bayaulatqan.
Tekseru nátıjesínde oń ayaqtyń arterıyalary tolyq bítelgení anyqtaldy. Sonyń saldarynan tínderdíń qanmen qamtamasyz etíluí būzylǵan. Dárígerler angıografıya júrgízíp, kíshkentaı tílík arqyly endovaskulyarlyq aralasu jasady.
Protsedurany OQKA tamyrlyq endovaskulyarlyq hırurgí Sultan Ilıev oryndady.
Ol zaqymdanǵan ayaqtaǵy qan aınalymyn qalpyna keltíríp, árí qaraı emdeudíń mańyzdy kezeńín júzege asyrdy.
«Qant dıabetí kezínde ayaqtyń, ásírese tabannyń jaǵdaıyn mūqıyat baqylau mańyzdy. Jazylmaıtyn jaralar, íríńdeu, terí túsíníń ózgeruí nemese ayaqtyń mūzdauy baıqalsa, shūǵyl túrde dárígerge qaralu qajet. Qan aınalymyn uaqytyly qalpyna keltíru jáne ınfektsıyany emdeu ayaq-qoldy saqtap qalu múmkíndígín arttyrady», — dep qorytyndylady Sultan Ilıev.