Premer-mınıstr Oljas Bektenov deputattyq saualǵa bergen jauabynda joǵary oqu oryndarynda úsh jyldyq oqytu júıesín engízu múmkíndígíne qatysty píkír bíldírdí, – dep habarlaıdy aqshamnews.kz tílshísí.
Úkímet basshysy būl máselení qosymsha taldau qajet ekenín atap óttí.
"Tūjyrymdamany íske asyru ayasynda Ǵylym jáne joǵary bílím mınıstrlígí 2027 jyly Eńbek jáne halyqty áleumettík qorǵau mınıstrlígímen, "Atameken" ūlttyq kásípkerler palatasymen jáne salalyq bıznes-qoǵamdastyqtarmen bírlesíp, joǵary oqu oryndarynda úsh jyldyq oqytuǵa qajettí jaǵdaılardy taldaudy josparlap otyr. Taldau qorytyndysy boıynsha kadr dayarlau júıesín retteuge baǵyttalǵan árí qaraıǵy sharalar qabyldanady", – delíngen jauapta.
Sonymen qatar bílím beru baǵdarlamalaryn normatıvtík jáne qarjylyq qamtamasyz etu tetíkterí taldanady.
"Būl rette bílím beru baǵdarlamalarynyń qarqyndylyǵy, mamandardy dayarlauǵa jūmsalatyn naqty shyǵyndar, túlekterdíń mamandyǵy boıynsha jūmysqa ornalasuy, jūmys berushílerdíń qanaǵattanu deńgeıí, túlekterdíń tabysy jáne kásíbı sertıfıkattau nátıjelerí eskeríledí", – dep tolyqtyrdy premer-mınıstr.