QR Týrızm jáne sport mınıstri Erbol Myrzabosynov Úkimet otyrysynda 6-22 aqpan aralyǵynda Italıanyń Mılan jáne Kortına-D'Ampesso qalalarynda ótetin XXV Qysqy Olımpıada oıyndaryna qazaqstandyq sportshylardyń daıyndyq barysy týraly baıandady, - dep habarlaıdy Aqshamnews.kz.
Mınıstr jarysqa 93 elden 3 myńǵa jýyq sportshynyń qatysýy josparlanyp otyrǵanyn atap ótti. Barlyǵy 116 marapattar jıyntyǵy oınalady. Qazaqstannyń ulttyq komandasy 10 sport túri boıynsha 58 medalǵa talasady. Olardyń qatarynda bıatlon, kónkımen júgirý, mánerlep syrǵanaý, short-trek, taý shańǵy sporty, shańǵy qossaıysy, shańǵy jarystary, shańǵymen tramplınnen sekirý, frıstaıl-mogýl jáne frıstaıl-akrobatıka bar.
«Saltanatty ashylý rásimi 2026 jyldyń 6 aqpanynda Mılan qalasynda ótedi, al jabylý saltanaty 22 aqpanda Verona qalasynda uıymdastyrylýy josparlanǵan. Oıyndar baǵdarlamasy kónkımen júgirý jáne shańǵy jarysy sportshylarynyń óner kórsetýimen bastalady. Sońǵy kezeńde taý shańǵysy boıynsha jarystary ótedi», - dedi Erbol Myrzabosynov.