Qazaqstanda auyl sharuashylyǵy men arnaıy tehnıka naryǵyna tsıfrlyq tehnologıyalardy engízuge baǵyttalǵan AGRON jobasy damyp keledí. Kompanıya dástúrlí tehnıka saudasyn onlaın formatqa kóshírumen shektelmeı, satyp alushynyń qajettílígín óndírístík tapsyrysqa aınaldyratyn tsıfrlyq júıe qūrudy qolǵa alǵan, – dep habarlaıdy aqshamnews.kz tílshísí.
AGRON ıdeyasynyń negízínde qarapaıym másele jatyr: auyl sharuashylyǵynda bír tehnıka barlyq sharuashylyqqa bírdeı sáıkes kele bermeıdí. Bír kásípkerge shaǵyn árí manevrlí tehnıka qajet bolsa, ekínshísíne kóteru bıíktígí joǵary model, al úshínshísíne belgílí bír kólemdegí shómísh nemese qosymsha jabdyq kerek boluy múmkín.
Dástúrlí naryqta satyp alushy kóbíne qoımada tūrǵan daıyn modelderdíń arasynan tańdaıdy. AGRON būl protsestí kerí baǵytta ūıymdastyrudy ūsynady: aldymen klıenttíń qajettílígí anyqtalyp, tehnıkanyń konfıguratsıyasy jasalady, sodan keıín ǵana tapsyrys óndíríske jíberíledí.
Tehnıka tańdaudan konfıguratsıyalauǵa deıín
AGRON ázírlep jatqan tsıfrlyq platformada paıdalanushy arnaıy tehnıkanyń parametrlerín óz jūmys jaǵdaıyna qaraı tańdauy tıís. Júıeníń maqsaty — ınternet arqyly daıyn tehnıkany satudan górí, tapsyrys berushí men óndírís arasyndaǵy protsestí tsıfrlandyru.
Mysaly, fermer tehnıkanyń júk kótergíshtígín, ólshemderín, shómísh kólemín jáne basqa da qajettí parametrlerín anyqtaı alady. Osy málímetterdíń negízínde naqty konfıguratsıya qalyptasyp, óndírístík tapsyrysqa aınalady.
Kompanıya būl tásíldí «vırtualdy zauyt» kontseptsıyasy retínde damytyp otyr. Yaǵnı tehnıkanyń bolashaq nūsqasy aldymen tsıfrlyq júıede qalyptasady, al fızıkalyq óndírís keıín júzege asyrylady.
Qazaqstandaǵy platforma, sheteldegí óndírís
Jobanyń taǵy bír erekshelígí — tsıfrlyq platformany belgílí bír zauytpen shektemeu ıdeyasy.
AGRON arnaıy tehnıka óndíretín qytaılyq Shandong Mingyu Heavy Industry Machinery kásípornymen, MYZG brendímen jūmys bastaǵanyn habarlady. Kompanıyanyń jospary boıynsha, platforma arqyly qalyptasqan konfıguratsıyalar óndírushíge jíberílíp, tehnıka tapsyrysqa sáıkes shyǵaryluy tıís.
Bolashaqta joba bír ǵana óndírushímen shektelmeı, ártúrlí zauyttardy ortaq tsıfrlyq júıege bíríktírudí kózdeıdí.
«Bíz tehnıkany ǵana emes, tańdau protsesín ózgertkímíz keledí»
AGRON jobasynyń avtory Ǵalymjan Maqbozūlynyń aıtuynsha, kompanıyanyń ūzaq merzímdí maqsaty — arnaıy tehnıka satyp alu protsesín barynsha ashyq árí yńǵaıly etu.
«Búgínde fermerge nemese kásípkerge tehnıka qajet bolsa, ol kóbíne naryqtaǵy daıyn ūsynystardy qaraıdy. Bíz basqa tásíldí ūsynyp otyrmyz: aldymen adamnyń naqty qajettílígín anyqtap, sodan keıín sol talaptarǵa sáıkes tehnıkany konfıguratsıyalau. Bízdíń oıymyzsha, bolashaqta klıent óndírushí daıyndap qoıǵan nūsqany ǵana tańdamauy kerek, ol tehnıkanyń qandaı bolatynyn ózí anyqtauǵa qatysuy tıís», — deıdí Ǵalymjan Maqbozūly.
Onyń aıtuynsha, tsıfrlandyru tek tehnıkany ınternet arqyly satyp alu degendí bíldírmeıdí. Negízgí míndet — tapsyrystyń qalyptasuynan bastap óndíríske beríluíne deıíngí protsestí bír júıege bíríktíru.
Agrotehnıka naryǵyndaǵy tsıfrlyq transformatsıya
Qazaqstanda auyl sharuashylyǵy úlken aumaqty qamtıdy jáne ár óńírdegí sharuashylyqtardyń tehnıkaǵa qoyatyn talaby ártúrlí. Sondyqtan tehnıkany naqty jūmys jaǵdaıyna beıímdeu múmkíndígí salanyń tıímdílígíne áser etetín faktorlardyń bírí boluy múmkín.
AGRON osy baǵytta tehnologıyalyq platforma qalyptastyrudy kózdeıdí. Eger joba josparlanǵan model boıynsha damysa, tsıfrlyq júıe bolashaqta tapsyrys berushíler, tehnıka óndírushílerí jáne servıstík qyzmetter arasyndaǵy baılanysty bír ortaǵa bíríktíre alady.
Kompanıya úshín kelesí kezeń — platformanyń múmkíndíkterín keńeıtu jáne oǵan jańa tehnıka túrlerí men óndírushílerdí qosu.