Jūmysshy mamandyqtar jyly ayasynda QR Oqu-aǵartu mınıstrlígíníń «Talap» KEAQ tehnıkalyq jáne kásíptík bílím beru boıynsha aqparattyq kartany ázírleude. Būl platforma elímízdegí kolledjder turaly keshendí jáne ózektí aqparatty bír tsıfrlyq kartada jáne yńǵaıly formatta shoǵyrlandyrady.
Interaktıvtí karta paıdalanushyǵa qajettí óńírdí tez tabuǵa jáne aımaqtaǵy kolledjder, studentter men oqytushylardyń sany, jataqhanalar, sport zaldary jáne basqa da nysandar, dayarlau baǵyttary men mamandyqtar tízímí jónínde aqparat aluǵa múmkíndík beredí.
Platformada aımaqtar, audandar, naqty kolledjder men bílím beru baǵdarlamalary boıynsha ıkemdí íríkteu júıesí qarastyrylǵan.
«Búgínde mūndaı aqparat tek jekelegen platformalarda nemese jergílíktí atqarushy organdardyń saıttarynda ǵana jınaqtalady. Jańa karta el aumaǵy boıynsha derekterdí bíríktíríp, uákílettí organdar, studentter men olardyń ata-analary úshín de paıdaly qūralǵa aınalady», — dedí QR Oqu-aǵartu mınıstrlígíníń tehnıkalyq jáne kásíptík bílím beru departamentíníń dırektory Áset Mūhanbetov.
Qazírgí uaqytta tehnıkalyq jáne kásíptík bílím beru kartasynyń ózektí nūsqasy saıtta qoljetímdí. Pılottyq íske qosu 2025 jyldyń shílde aıyna josparlanǵan.
Júıe «Talap» KEAQ resmı saıtynda jáne map.talap.edu.kz/map mekenjaıy boıynsha qoljetímdí.