Qazaqstanda kolledjderge qūjat qabyldau 2021 jyldyń 25 mausymynda bastalady.
Qabyldau rásímí jańa erejeler boıynsha júrgízíledí. Sonymen qatar tegín bílím alǵysy keletínder úshín kvotalar tízímí keńeıtíldí. Būl jańashyldyqtar turaly vedomstvonyń Facebook-tegí resmı paraqshasynda QR BǴM Tehnıkalyq jáne kásíptík bílím departamentíníń dırektory Nasymjan Ospanova aıtyp berdí, dep habarlaıdy Almaty-akshamy.kz QR Bílím jáne ǵylym mınıstrlígíníń jarıyalaǵan habaryna sílteme jasap.
Bıyl pedagogıkalyq, medıtsınalyq jáne shyǵarmashylyq mamandyqtardy qospaǵanda, qabyldau emtıhandary bolmaıdy. Konkurs attestattaǵy míndettí jáne beıíndík pánderdíń ortasha baly boıynsha ótkízíledí.
Būdan basqa bílím berudíń ashyqtyǵy men qoljetímdílígín qamtamasyz etu úshín QR BǴM «aqsha studentpen bírge júredí» qaǵıdaty negízínde granttardy bóludíń jańa tetígín ázírledí. Yaǵnı, eger būryn granttar kolledjder arasynda bólíngen bolsa, endí olar talapkerlerdíń tańdauy boıynsha beríledí. Memlekettík tapsyrys talapkerlerdíń tańdauy boıynsha kolledjder arasynda ornalastyrylatyn bolady.
TjKB ūıymdaryna qabyldau 25 mausymnan bastalady. Talapkerler kolledjge qūjattardy ekí tásílmen elektrondyq úkímet portaly Egov.kz arqyly nemese tíkeleı kolledjge tapsyra alady.
Bolashaq studentterdíń 4 mamandyq pen 4 kolledjge deıín tańdau qūqyǵy bar. Konkurs attestattaǵy míndettí jáne beıíndík pánderden qoıylǵan baǵanyń ortasha konkurstyq baly boıynsha aqparattyq júıe arqyly ótkízíledí. Pedagogıkalyq, medıtsınalyq jáne shyǵarmashylyq mamandyqtarda oqyǵysy keletín túlekter arnaıy nemese shyǵarmashylyq emtıhandar tapsyryp, áńgímelesuden ótedí. Arnaıy nemese shyǵarmashylyq emtıhandardy kolledjder janynan qūrylǵan komıssıyalar júrgízetín bolady.
«Konkurs 2 kezeńge bólíngen. Bírínshí 9-synyp negízínde oquǵa túsetín talapkerler arasynda memlekettík tapsyrysty bólu 19-22 tamyz aralyǵynda, al 11 synyp túlekterí úshín 22-25 tamyz aralyǵynda ótedí. Igerílmegen oryndar bolǵan jaǵdaıda bílím grantymen qamtylmaǵan talapkerler arasynda memlekettík bílím beru tapsyrysyn qaıta bólu júrgízíledí. Memlekettík tapsyrys boıynsha oquǵa qabyldau turaly aqparat talapkerdíń jeke kabınetíne keledí. Kolledjderge qabyldau 31 tamyzda ayaqtalady», – dep atap óttí QR BǴM Tehnıkalyq jáne kásíptík bílím departamentíníń dırektory Nasymjan Ospanova.
Búgíngí tańda elímízde 795 kolledj jūmys ísteıdí. Onyń 454-í memlekettík oqu oryndary. Granttardy 435 memlekettík kolledj jáne 170 jeke menshík kolledj alady. 2021-2022 oqu jylyna memlekettík bílím beru tapsyrysy 10 baǵyt jáne 200-den astam sūranysqa ıe mamandyqtar boıynsha 97 myń orynǵa qalyptastyrylǵan.
«Bıyl kvotalyq sanattar tízímí keńeıtíldí, endí kvotalar 9 sanat boıynsha qarastyrylady. Kóp balaly otbasylardan shyqqan balalar úshín 5%, mártebesí kemínde úsh jyl tolyq emes otbasylar qataryndaǵy balalarǵa 1%, bala kezínen múgedek balalardy tárbıelep otyrǵan otbasylardan shyqqan talapkerler men bírínshí jáne ekínshí toptaǵy múgedekter úshín 1% kvota qosyldy. Baldar teń bolǵan jaǵdaıda kvotalyq sanat jáne attestattyń ortasha baly eskeríledí», – dep atap óttí Nasymjan Ospanova.
Sonymen qatar bıyl alǵash ret barlyq túlekterge bílím basqarmalarynyń aqparattyq júıelerí arqyly kásíbı dıagnostıkadan ótu múmkíndígí beríledí. Dıagnostıka túlekterge mamandyq tańdauda kómektesuge arnalǵan jáne ūsynymdyq sıpatqa ıe.
