2026 jylǵy 1 qańtardan bastap Qazaqstanda birqatar memlekettik járdemaqynyń mólsheri artty, - dep habarlaıdy aqshamnews.kz tilshisi.
AEK ósti
1 qańtardan bastap aılyq eseptik kórsetkish (AEK) 3 932 teńgeden 4 325 teńgege ósti. Bul - járdemaqy, aıyppul jáne ózge de áleýmettik tólemderdi esepteýge qoldanylatyn bazalyq kórsetkish.
Sondyqtan AEK-ke baılanǵan tólemder avtomat túrde artady. Budan bólek, úkimet keıbir járdemaqylardy qosymsha 10% arttyrdy.
Bala týýyna beriletin járdemaqy
Bir, eki nemese úsh bala týǵan kezde beriletin járdemaqy 149 416 teńgeden 164 350 teńgege deıin, al tórt jáne odan da kóp bala týǵan jaǵdaıda járdemaqy mólsheri 247 716 teńgeden 272 475 teńgege deıin ósedi.
Kópbalaly otbasylarǵa tólem
Kópbalaly otbasylarǵa tólenetin járdemaqy da artady: tórt balasy bar otbasylar úshin 63 030 teńgeden 69 330 teńgege, al 10 balasy bar otbasylar úshin 157 280 teńgeden 173 000 teńgege deıin ulǵaıady.
Múgedektigi bar adamdarǵa járdemaqy
Múgedektigi bar azamattarǵa beriletin járdemaqy mólsheri de 10 paıyzǵa ósedi:
- Birinshi toptaǵy múgedektigi bar adamdarǵa tólenetin járdemaqy 101 702 teńgeden 111 872 teńgege;
- Ekinshi toptaǵylarǵa 81 362 teńgeden 89 498 teńgege;
- Úshinshi toptaǵylarǵa 55 474 teńgeden 61 021 teńgege deıin kóbeıedi.
Budan bólek
- asyraýshysynan aıyrylý boıynsha;
- eńbekke qabilettiligin joǵaltý boıynsha.
Bul tólemder Memlekettik áleýmettik saqtandyrý qorynan júrgiziledi jáne ár adamǵa jeke esepteledi. Mólsherine mynalar áser etedi:
- keıingi 2 jyldaǵy áleýmettik aýdarymdar tólengen ortasha aılyq tabys;
- eńbekke qabilettilikten aıyrylý dárejesi;
- asyraýyndaǵy adamdar sany;
- mindetti áleýmettik saqtandyrý júıesine qatysý ótili;
- tabysty almastyrý koefısıenti.