Qazaqstanda Halyk Bank qosymshasy isten shyqty, - dep habarlaıdy Tengrinews.kz.
5 qańtarda tańerteńnen bastap qoldanýshylar qosymshaǵa kirmeı turǵanyn jazǵan. Olardyń aıtýynsha, aqaý týraly habarlama shyǵady.
"Biz kóp suranys óńdep jatyrmyz. Sál keıinirek qaıtalap kórińiz", – delingen eskertýde.
Skrınshot: banktiń qosymshasynan
Banktiń pikiri
Bank ókilderi qosymsha tehnıkalyq jumystarǵa baılanysty ýaqytsha qoljetimsiz ekenin aıtty.
"Qosymshada júıege túsetin júktemeniń artýyna baılanysty ýaqytsha tehnıkalyq shekteýler baıqalady. Banktiń mamandary servısterdiń jumysyn turaqtandyrý jáne tolyq qalpyna keltirý úshin qajet jumystardy júrgizip jatyr. Shekteýlerdi múmkindiginshe tez joıý jáne qyzmetterge turaqty qoljetimdilikti qamtamasyz etý úshin barlyq shara qabyldanyp jatyr. Tutynýshylar men seriktesterge túsinistik tanytqany úshin alǵys bildiremiz", – dep málimdedi Halyk Bank-tiń baspasóz qyzmeti.