Bıíktígí 45 metrge deıín jetetín kópírdíń ūzyndyǵy – 175 metr, dep habarlaıdy aqshamnews.kz tílshísí.
«QazAvtoJol» Shyǵys Qazaqstandaǵy eń bıík kópírlerdíń bíríníń qūrylysyn ayaqtady. Shyǵys Qazaqstan oblysynda Pıhtovka ózení arqyly ótetín, óńírdegí eń kúrdelí árí auqymdy kópír nysandarynyń bírí salyndy. Bıíktígí 45 metrge deıín jetetín kópírdíń ūzyndyǵy – 175 metr.
«QazAvtoJol» ŪK» AQ Rahman qaınarlaryna aparatyn baǵyttaǵy Pıhtovka ózení arqyly ótetín kópír qūrylysynyń negízgí kezeńín ayaqtady.
Qūrylystyń sheshushí sátí – kópírdíń sońǵy, jetínshí aralyq qūrylymyn ornatu boldy. Osylaısha jańa kópír tereń tau shatqalynyń ekí jaǵasyn tolyq jalǵady.
Ūzyndyǵy 175 metrlík kópír jer bederínen 45 metrge deıíngí bıíktíkte ornalasqan. Qūrylym árqaısysynyń ūzyndyǵy 24 metr bolatyn jetí aralyqtan jáne segíz tírekten tūrady. Onyń ekeuí – jaǵalyq, altauy – aralyq tírek.
Búgínde segíz tírektíń barlyǵy tolyq tūrǵyzylyp, jetí aralyq qūrylymdy montajdau ayaqtaldy. Osylaısha Shyǵys Qazaqstandaǵy tehnıkalyq tūrǵydan eń kúrdelí kópír nysandarynyń bíríndegí negízgí qūrylys jūmystary máresíne jettí.
«Búgín – bíz úshín erekshe kún. Pıhtovka ózení arqyly ótetín kópír qūrylysynyń ayaqtaluy – úlken ūjymnyń qajyrly eńbegíníń nátıjesí. Nysan kúrdelí tauly jerde salyndy. Mūnda árbír ınjenerlík sheshím asa joǵary dáldík pen jauapkershílíktí talap ettí. Osy 175 metr kópírdíń artynda ınjenerlerímízdíń, qūrylysshylarymyzdyń jáne jobaǵa qatysqan barlyq mamannyń bírneshe aıǵa sozylǵan tynymsyz eńbegí tūr. Shyǵys Qazaqstannyń osyndaı kúrdelí jer bederínde auqymdy jobany júzege asyrǵanymyzdy maqtan tūtamyz», – dedí «QazAvtoJol» ŪK» AQ Shyǵys Qazaqstan oblystyq fılıalynyń dırektory Nūrbek Temírhanov.
Kópír qūrylysy kúrdelí tauly jerde júrgízíldí. Qūrylysshylarǵa írí konstruktsıyalardy aıtarlyqtaı bıíktíkte asa dáldíkpen ornatu, qūrylys materıaldaryn jetkízu jáne auyr tehnıkanyń jetuí qıyn aumaqta úzdíksíz jūmys ísteuín qamtamasyz etu míndetí qoıyldy.
Nysanda 150-ge juyq maman, arnaıy qūrylys tehnıkasy men jabdyqtar jūmys ístedí. Beton jūmystaryn úzdíksíz júrgízu úshín qūrylys alańynda jyljymaly beton zauyty íske qosyldy.
Syrt kózge yqsham kórínetín kópír konstruktsıyasynyń artynda kúrdelí ınjenerlík jūmys jatyr. Ár tírektí tūrǵyzu men ár aralyqty ornatu naqty eseptí, tehnologıyalyq jūmystardyń qatań retín jáne ınjenerler, kópír salushylar men jolshylardyń úılesímdí eńbegín talap ettí.
Qazír nysanda sońǵy jūmystar atqarylyp jatyr. Beton tūǵyrlar men qorshaular ornatylyp, parapetter montajdaluda. Sondaı-aq betkeıler «Reno» matrastary jáne gabıon konstruktsıyalary arqyly nyǵaıtylyp, qozǵalys qauípsízdígín qamtamasyz etu sharalary júrgízílude.
Kópírdíń júru bólígíne asfaltbeton jamylǵysyn qyrkúıek aıynyń sońyna deıín tóseu josparlanǵan. Qalǵan jūmystar men qauípsízdík sharalary tolyq ayaqtalǵannan keıín kópír kólík qozǵalysyn ashuǵa daıyn bolady.
Pıhtovka ózení arqyly salynǵan kópírdíń Shyǵys Qazaqstan úshín mańyzy erekshe. Bıíktígí kópqabatty úımen shamalas alyp qūrylys osydan bírneshe jyl būryn kúrdelí tau bederí kólík qatynasyn aıtarlyqtaı shektegen jerde boı kóterdí.
Jańa kópír – mańyzdy ınfraqūrylym nysany ǵana emes, otandyq jol salasynyń kúrdelí tabıǵı jaǵdaıda auqymdy ınjenerlík jobalardy júzege asyra alatynyn kórsetetín nysan.
Jetí aralyq pen segíz tírektíń artynda bírneshe aıǵa sozylǵan tynymsyz eńbek, júzdegen ınjenerlík sheshím jáne Shyǵys Qazaqstannyń tauly aımaǵynda jūmys ístegen mamandardyń mańdaı terí tūr. Búgín sońǵy aralyq óz ornyna qoıyldy. Pıhtovkanyń ekí jaǵasy jalǵandy. Shyǵys Qazaqstandaǵy eń kúrdelí kópírlerdíń bíríníń negízgí qūrylysy ayaqtaldy.