Endí kásípkerler ǵımarattar men nysandarǵa mańdaısha ílmes būryn onyń eskızín jergílíktí atqarushy organdarmen aldyn ala kelísuge míndettí bolady, – dep habarlaıdy aqshamnews.kz tílshísí.
Ǵylym jáne joǵary bílím mınıstríníń tıístí būıryǵyna sáıkes, jańa memlekettík qyzmet jeke jáne zańdy tūlǵalarǵa tegín kórsetíledí.
Ótíníshterdí respublıkalyq mańyzy bar qalalardyń, elordanyń, oblystyq mańyzy bar qalalar men audandardyń ákímdíkterí qabyldaıdy. Qūjattardy jergílíktí organnyń kantselyarıyasy arqyly da, eGov elektrondy úkímet portaly arqyly da tapsyruǵa bolady. Memlekettík qyzmettí kórsetu merzímí qūjattar túsken kúnnen bastap 4 jūmys kúnín qūraıdy.
Qyzmettí alu úshín ótínísh, mańdaıshanyń eskızí jáne jeke basty kuálandyratyn qūjat qajet. Al eGov portaly arqyly júgíngen jaǵdaıda elektrondyq tsıfrlyq qoltańbamen qol qoıylǵan ótíním men eskızdíń elektrondy kóshírmesí talap etíledí.
Aıta ketu kerek, mańdaıshalarǵa kásípkerlík subektísíníń atauy, qyzmet túrí men tauarlyq belgílerí ornalasqan aqparattyq taqtaıshalar jatady.
Olar nysanǵa kíreberíste, sharbaqta, ǵımarattyń fasadynda nemese shatyrynda ornatyluy múmkín. Al syrtqy vızualdy jarnama nysandaryna būl ereje júrmeıdí, olar úshín bólek tártíp qarastyrylǵan.
Eske salsaq, 1 qazanǵa deıín mańdaıshalardy ornatu habarlama beru sıpatynda júzege asyrylyp kelgen edí