15-16 qazan aralyǵynda TMD elderiniń aýmaǵynda qylmyskerlerdi anyqtaý jáne ustaý maqsatynda "İzdestirý" jedel-profılaktıkalyq is-sharasy ótkizildi, - dep habarlaıdy aqshamnews.kz tilshisi Polisia.kz-ke silteme jasap.
"Qazaqstanǵa birlesken izdestirý sharalaryn júrgizý úshin Reseı Federasıasy İshki ister mınıstrliginiń izdestirý toby keldi. Óz kezeginde Shyǵys Qazaqstan, Qaraǵandy, Pavlodar jáne Soltústik Qazaqstan oblystary polısıa departamentteriniń jedel toptary Reseıge baryp, uqsas is-sharalar ótkizdi. Jalpy eki kún ishinde 286 qylmysker ustaldy. Sonymen qatar, 55 habar-osharsyz ketken adam, onyń ishinde segiz kámeletke tolmaǵan bala tabyldy", - dedi İİM krımınaldyq polısıa departamentiniń bastyǵy Qanat Nurmaǵambetov.