Azyq-túlík tauarlary baǵalary ındeksíníń kórsetkíshí apta saıyn esepteledí, dep habarlaıdy aqshamnews.kz tílshísí.
2026 jylǵy 9 qyrkúıektegí jaǵdaı boıynsha eseptí aptada Qazaqstanda bírqatar áleumettík mańyzy bar azyq-túlík tauarlarynyń baǵasy tómendegení baıqaldy.
Apta íshínde kartoptyń (-6,9%), pıyazdyń (-5,9%), aq qyryqqabattyń (-5,1%), sábízdíń (-4,5%), almanyń (-0,8%), nannyń (-0,4%) jáne írímshíktíń (-0,3%) baǵasy tómendedí.
Eseptí aptada bírínshí sūrypty bıdaı ūny, rojkı, sút jáne súzbe baǵasy ózgeríssíz qaldy.
Óńírlík bólíníste eldíń bírqatar qalalarynda deflyatsıyalyq dınamıka baıqaldy. Bír apta íshínde áleumettík mańyzy bar azyq-túlík tauarlarynyń baǵalarynyń jalpy deńgeıí Astana, Atyrau, Jezqazǵan, Qyzylorda, Óskemen, Semeı jáne Túrkístan qalalarynda 0,1%-ǵa tómendedí. Almaty, Aqtóbe, Qaraǵandy, Qostanaı jáne Taraz qalalarynda baǵalar aldyńǵy apta deńgeıínde saqtaldy.
Respublıka boıynsha pıyazdyń ortasha baǵasy bír kılogramyna 156 teńgení qūrady. Būl rette eń tómen baǵa Pavlodar qalasynda tírkeldí – bír kılogramyna 123 teńge.
El boıynsha sábízdíń ortasha baǵasy bír kılogramyna 227 teńgení qūrady. Eń tómen baǵa Pavlodar qalasynda tírkeldí – bír kılogramyna 146 teńge.
Respublıka boıynsha kartoptyń ortasha baǵasy bír kılogramyna 217 teńgení qūrady. Eń qoljetímdí baǵalar Pavlodar qalasynda – 152 teńge jáne Qostanaı qalasynda – 184 teńge deńgeıínde tírkeldí.
Respublıka boıynsha qyzanaqtyń ortasha baǵasy bír kılogramyna 586 teńgení qūrady. Eń tómen baǵa Taraz qalasynda tírkeldí – bír kılogramyna 347 teńge.
Et ónímderíníń íshínde respublıka boıynsha súıektí sıyr etíníń ortasha baǵasy bír kılogramyna 3 819 teńgení, tauyq etíníń baǵasy – 1 747 teńgení qūrady.
Áleumettík mańyzy bar azyq-túlík tauarlary baǵalary ındeksíníń kórsetkíshí apta saıyn esepteledí. Baǵalardy baqylau barlyq oblys ortalyqtarynda, respublıkalyq mańyzy bar qalalarda jáne astanada júrgízíledí. Áleumettík mańyzy bar azyq-túlík tauarlary baǵasynyń dınamıkadaǵy ózgerísterín Qazaqstan Respublıkasy Strategıyalyq josparlau jáne reformalar agenttígí Ūlttyq statıstıka byurosynyń saıtynan jáne «Taldau» aqparattyq-taldau júıesínen kóruge bolady.
Áleumettík mańyzy bar azyq-túlík tauarlarynyń tízbesí Qazaqstan Respublıkasy Sauda jáne ıntegratsıya mınıstríníń 2025 jylǵy 23 jeltoqsandaǵy №362-NQ būıryǵymen bekítílgen jáne 31 ataudaǵy azyq-túlík ónímderín qamtıdy.