2025 jyly Qazaqstanda eń tıímdí eńbek demalysyna shyǵu aılary — sáuír, shílde, qazan jáne jeltoqsan.
Būl aılarda 22 jūmys kúní bolady, būl demalys tólemderíníń mólsherín arttyrady. Sondaı-aq, tamyz jáne qyrkúıek aılarynda da 21 jūmys kúní bolǵandyqtan, eńbek demalysyn alu úshín qolaıly aılar bolyp tabylady, dep habarlaıdy aqshamnews.kz
Nauryz jáne mamyr aılary eńbek demalysy tólemderí úshín eń tıímsíz, óıtkení nauryzda tek 17, al mamyrda 19 jūmys kúní bar. Degenmen, eńbek demalysyn merekelík kúnderge jaqyndatu arqyly demalys kúnderín ūzartuǵa bolady, bíraq būl tólemderdíń mólsherín azaıtuy múmkín. Eger eńbek demalysynan alynatyn tólemderdíń kólemín arttyru basty maqsat bolsa, 2025 jyly sáuír, shílde, qazan jáne jeltoqsan aılaryn tańdaǵan jón. Ūzaq demalys alǵysy keletínder nauryz ben mamyr aılaryna josparlap, ony merekelík kúnderge jaqyndatsa bolady. Ońtaıly sheshím — joǵary jáne tómen jūmys kúnderí bar aılarda eńbek demalysyn alma-kezek alyp otyru.