Májílís deputattary zıyatkerlík menshík máselelerí boıynsha zań jobasyn bírínshí oqylymda maqūldady.
Túzetuler Memleket basshysynyń «Ádílettí Qazaqstannyń ekonomıkalyq baǵdary» atty joldauyn júzege asyru maqsatymen ázírlengen. Zań jobasynda zıyatkerlík menshík qūqyqtaryn saqtau jáne qorǵau, ony damytuǵa qolaıly jaǵdaı jasau, elge ınvestıtsıya tartu jáne kreatıvtí ekonomıkany damytu úshín qosymsha qūqyqtyq qūraldar qarastyrylǵan, dep habarlaıdy aqshamnews.kz.
Azamattyq kodekske (Erekshe bólím), «Qazaqstan Respublıkasyndaǵy kedendík retteu turaly» kodekske jáne bes zańǵa ózgeríster men tolyqtyrular engízíledí. Tauar belgísí retíndegí belgíleudí tírkeuge qarsylyq beru merzímín bír aıdan ekí aıǵa deıín ūlǵaıtu ūsynylady. Būzushylyqty tírkeuge bír aı jetkílíksíz, óıtkení qarsylyq beru úshín bírqatar qajettí materıaldy daıyndau qajet. Áıtpese, zańsyz tauar belgísín tírkeu qaupí bar.
Sonymen qatar avtorlardyń jarıyalanǵan tuyndylaryn taratuǵa, kópshílíkke jetkízuge jáne kópshílík aldynda oryndauǵa baılanysty qūqyqtaryna qosymsha shekteuler engízíledí.
Osylaısha, zaǵıptar men kóru qabíletí būzylǵan nemese baspa ónímderín qabyldau qabíletí shekteulí adamdar avtorlardyń kelísímínsíz baspa ónímderí men jarıyalanǵan tuyndylarǵa qol jetkíze alady.