Almatynyń ortalyǵynda Almaly audanynyń 90 jyldyǵyna arnalǵan merekelík fleshmob óttí, – dep habarlaıdy aqshamnews.kz tílshísí.
Qazaqstan-Brıtan tehnıkalyq unıversıtetíníń aldyndaǵy alańda 45 jūp túlek bír mezette vals bılep, qala tūrǵyndary men qonaqtaryna kóteríńkí kóńíl kúı syılady.
Ís-shara sońǵy qońyrau qarsańynda ótíp, túlekterdíń balalyq shaqpen qımastyqpen qoshtasuyn beınelegen sımvoldyq kóríníske aınaldy. Qoıylym sońynda qatysushylar audan mereıtoıynyń qūrmetíne «90» sanyn beınelep sap túzedí.
Ideya avtory — №62 gımnazıya janyndaǵy «Nargız» horeografıyalyq ansamblíníń jetekshísí Mıhrınısa Ibragımova.
«Túlekterge de, tuǵan Almaly audanyna da, barsha almatylyqtar men qala qonaqtaryna da erekshe tartu jasaǵymyz keldí», — deıdí ūstaz.
Oqushylar qoıylymǵa bírneshe aı boıy tyńǵylyqty daıyndalyp, bı qımyldarynyń úılesímí men naqyshyn jetíldírdí. Kóptegen qatysushy úshín būl vals sahnadaǵy alǵashqy úlken tájírıbe boldy.
«Daıyndyqqa ekí aı uaqytym kettí. Būryn vals bıleı almaıtynmyn, bíraq tez úıreníp aldym. Osyndaı ádemí fleshmobqa qatysyp, dostarymmen bírge uaqyt ótkízgeníme quanyshtymyn. Būl ómírdegí qaıtalanbas kezeń», — deıdí Ílıyas Jansúgírov atyndaǵy №130 gımnazıyanyń 11-synyp oqushysy Dayana Dúsenǵalı.
Merekelík ís-shara túlekter úshín este qalarlyq áser syılap qana qoımaı, mektepke, tuǵan audanǵa jáne Almatyǵa degen alǵys pen súıíspenshílíktíń kórkem kórínísíne aınaldy.
Almaly audany 1936 jylǵy 14 qyrkúıekte qūrylyp, ár kezeńde atauy ózgeríp otyrǵan. Qazírgí atauyn audan 1995 jyly 12 jeltoqsanda aldy. Búgínde ol Almatynyń mańyzdy bílím beru, mádenı jáne ískerlík ortalyqtarynyń bírí sanalady.