Qazaqstan jáne Kıpr prezıdentterí shaǵyn qūramda kelíssóz júrgízdí, – dep habarlaıdy aqshamnews.kz tílshísí.
Qasym-Jomart Toqaev:
– 2019 jyly Syrtqy íster mınıstrí lauazymyn atqaryp júrgeníńízde elímízge kelíp, Qazaqstannyń Europa Odaǵyndaǵy senímdí dosy árí qoldaushysy retínde áreket etetíníńízdí málímdegen edíńíz. Búgínde bíz aıtarlyqtaı nátıjege qol jetkízdík dep senímmen aıtuǵa bolady. Memleketterímízdíń astanalarynda elshílíkterímízdí ashtyq. Ekí el arasynda tíkeleı áue reısí íske qosyldy, basqa da bírqatar mańyzdy joba júzege asyryldy. Degenmen ekíjaqty yqpaldastyqty keńeıtu úshín áleuetímíz jetkílíktí dep oılaımyn. Óz tarapymnan kóptegen baǵytta yntymaqtastyǵymyzdy odan árí damytuǵa kúsh saluǵa daıynmyn.
Nıkos Hrıstodulıdıs:
– Sízdíń elíńízge Kıprden tíkeleı qatynaıtyn alǵashqy reıs arqyly ískerlík delegatsıya ókílderímen bírge ūshyp kelgeníme óte quanyshtymyn. Elderímízdíń áleuetí mol. Búgíngí kelíssózder ózara yntymaqtastyqty arttyruǵa septígín tıgízedí dep sanaımyn. Sondaı-aq Qazaqstanǵa basqa lauazymda kelíp otyrmyn. Qazírgí uaqytta elímíz Europa Odaǵy Keńesíne tóraǵalyq etíp jatyr. Atalǵan óńírdíń mańyzyn jáne Qazaqstannyń erekshelíkterín eskere otyryp, Europa Odaǵy men Qazaqstan arasyndaǵy yqpaldastyqty odan árí ílgeríletu joldaryn talqylauǵa ázírmín.