Segíz myńnan astam maman dayarlap, 57 startapqa qoldau kórsettí, dep habarlaıdy aqshamnews.kz tílshísí.
Sońǵy jyldary Qazaqstan baqylaushy elden TMD jáne Ortalyq Azıya keńístígíndegí blokcheın tehnologıyalaryn damytudyń negízgí óńírlík ortalyǵyna aınaldy. Basty nátıje — elde Web3-jobalardy damytudyń tolyqqandy ınfraqūrylymy qalyptasa bastady: mamandardy oqytudan jáne komandalar qūrudan bastap, startaptardy qarjylandyru men olardyń halyqaralyq naryqqa shyǵuyna deıín. Būl turaly Úkímet otyrysynda «Solana Superteam KZ» korporatıvtík qorynyń basshysy Talǵat Dosanov málímdedí.
Onyń aıtuynsha, Solana ekojúıesímen bírlesken jūmys barysynda 8 myńnan astam adam bílím aldy, onyń íshínde 2 myńnan astamy sertıfıkat aldy. Sertıfıkat alǵan árbír besínshí túlek memlekettík organnyń ókílí bolyp sanalady. Oqytu Solana-daǵy blokcheın jáne ázírleu negízderín, praktıkalyq tapsyrmalardy jáne komandalardy halyqaralyq hakatondarǵa daıyndaudy qamtıdy.
Tehnologıyalyq kásípkerlíktí qoldau baǵytynda da eleulí nátıjelerge qol jetkízíldí: 57 qazaqstandyq startap jalpy somasy 121 mln teńge grant aldy. Elímíz Solana-nyń jahandyq hakatondaryna berílgen ótíním sany boıynsha álemníń úzdík 10 memleketíníń qataryna kírdí. Qazaqstan halyqaralyq ázírleushíler qauymdastyǵyndaǵy pozıtsıyasyn da nyǵaıtty.
Sonymen qatar Solana ekojúıesí resmı túrde ūsynylǵan 25 eldíń íshínde halyqaralyq Solana Summit serıyasyn bírínshí bolyp Qazaqstan ashty. Sammıtke 30-dan astam elden 900-den astam qatysushy jınaldy. Ís-shara Solana-nyń áleumettík jelílerí arqyly 4 mln adamdyq audıtorıyaǵa taratyldy.
Blokcheın-tehnologıyalar negízínde qarjy ınfraqūrylymy da damuda. Solana qoldauymen KASE Global alańynda Qazaqstandaǵy alǵashqy ETF SOLZ_KZ jarıya blokcheınde íske qosyldy. 2026 jylǵy 11 mausymda Gonkongte Alatau City men Solana Foundation arasynda memorandumǵa qol qoıyldy.
Qazaqstan – TMD men Ortalyq Azıyadaǵy Solana-nyń resmı ókíldígí bar jalǵyz el. Būǵan úsh faktordyń úılesímí múmkíndík berdí: eldí tehnologıyalyq damytu men tsıfrlandyruǵa baǵyttalǵan dáıektí memlekettík sayasat, ınvestorlar úshín aıqyn retteu ortasy jáne aıtarlyqtaı adamı kapıtal.
Nátıjesínde elde bílím beru, tehnologıyalyq kásípkerlík, halyqaralyq yntymaqtastyq jáne retteletín qarjy qūraldaryn bíríktíretín Web3-tí damytuǵa arnalǵan keshendí ekojúıe qalyptasuda.