VI Dúnıejúzílík kóshpendíler oıyndarynyń aralyq qorytyndysy boıynsha Qazaqstan qūramasy jalpykomandalyq esepte bírínshí orynda tūr, – dep habarlaıdy aqshamnews.kz tílshísí.
4 qyrkúıektegí jaǵdaı boıynsha, el sportshylary 55 medal jeńíp aldy. Onyń íshínde 25 altyn, 13 kúmís jáne 17 qola medal bar.
Ekínshí orynda Qyrǵyzstan qūramasy keledí. Qyrǵyz sportshylarynyń qorjynynda 58 medal bar: 23 altyn, 24 kúmís jáne 11 qola. Úshínshí oryndy Reseı qūramasy (4 altyn, 6 kúmís jáne 13 qola) ıeleníp otyr.
Qazírgí uaqytta Qazaqstan ókílderí Oıyndar baǵdarlamasyna engízílgen 42 sport túríníń 31-í boıynsha jarystarǵa qatysyp úlgerdí. Qazaqstandyq sportshylar audaryspaq, qazaq kúresí, alysh, armrestlıng, sambo, arqan tartu, dástúrlí sadaq atu, at jarystary, qūsbegílík jáne basqa da sport túrlerínen júldege ıe boldy.
Jarystar álí de jalǵasyp jatqandyqtan, komandalardyń medal esebíndegí oryndary ózgeruí múmkín. Qazaqstan sportshylary álí de 11 sport túrí boıynsha synǵa túsedí.
VI Dúnıejúzílík kóshpendíler oıyndaryna álemníń 113 elínen shamamen 3 myń sportshy qatysyp jatyr.