Órtten keıín baspanasyz qalǵan almatylyq otbasy bírneshe jyl boıy auyr jaǵdaıda ómír súrdí. Olardyń jaǵdaıy ūly auyr jaraqat alyp, múgedektíkke ūshyraǵannan keıín odan árí qıyndaı tústí. «AMANAT» partıyasynyń qoldauymen júrgízílgen júıelí jūmys nátıjesínde otbasynyń baspanasy tolyq qalpyna keltírílíp, qalypty ómírge oraluyna múmkíndík jasaldy, – dep habarlaıdy aqshamnews.kz tílshísí.
Áńgíme Almaty qalasy Alatau audany Aqbūlaq shaǵynaudanynyń tūrǵyny Tūrsynbúbí Bójeeva men onyń II toptaǵy múgedektígí bar ūly Eltaı Sadyqov turaly. Otbasyǵa kórsetílgen kómek «AMANAT» partıyasynyń úılestíruímen, deputattar, memlekettík organdar jáne belsendí azamattardyń qatysuymen ūıymdastyryldy.
Otbasynyń ómírlík qıyn jaǵdaıy bírqatar qaıǵyly oqıǵadan keıín bastaldy. 2019 jyly otbasy asyraushysynan aıyrylsa, 2020 jyly túngí uaqytta oryn alǵan órt saldarynan olardyń úıí tolyqtaı janyp ketken. Órt kezínde úı íshínde bolǵan ūly auyr jaraqat alyp, keıín múgedektíkke ūshyrady. Baspanasyz qalǵan ana men bala ūzaq uaqyt boıy tanystary men tuystarynyń úılerín panalap, áleumettík tūrǵydan osal jaǵdaıda ómír súrdí.
Qıyndyqtan shyǵudyń jolyn ízdegen Tūrsynbúbí Bójeeva «AMANAT» partıyasynyń Alatau audandyq fılıalyna júgíndí. Osy sátten bastap másele baqylauǵa alynyp, kómek kórsetu jūmystary júıelí túrde kezeń-kezeńímen ūıymdastyryldy. Negízgí maqsat – uaqytsha qoldau kórsetumen shektelmeı, máselení tolyq sheshuge qol jetkízu boldy.
Atqarylǵan jūmystar nátıjesínde úı qaıta tūrǵyzyldy: qabyrǵalary men shatyry salynyp, íshkí jóndeu jūmystary júrgízíldí jáne zamanauı jylytu júıesí ornatyldy. Sonymen qatar tegín negízde gaz qūbyry tartylyp, barlyq qajettí qūjat rásímdelíp, tūrǵyn úı ınjenerlík jelílerge qosyldy. Qalpyna keltíru kezeńínde otbasy azyq-túlíkpen jáne alǵashqy qajettí zattarmen qamtamasyz etílíp otyrdy. Būdan bólek olar medıtsınalyq tekseruden ótíp, qajettí em aluyna jaǵdaı jasaldy.
Úı mańyndaǵy aumaq ta nazardan tys qalmady. «Taza beısenbí» aktsıyasy ayasynda arnaıy tehnıkanyń kómegímen aula tolyq tazartylyp, órttíń saldary men tūrmystyq qaldyqtar shyǵaryldy. Būl jūmystar sanıtarlyq jaǵdaıdy jaqsartyp, qauípsízdík deńgeıín arttyruǵa yqpal ettí.
Sonymen qatar otbasyǵa qūjat rásímdeu, túrlí máseleler boıynsha keńes beru jáne ūıymdastyrushylyq qoldau kórsetu jūmystary júrgízíldí. Būl tek baspanany qalpyna keltírumen shektelmeı, jalpy ómír súru jaǵdaıyn jaqsartuǵa múmkíndík berdí.
Tūrsynbúbı Bojeevanyń aıtuynsha, «Bíz Almatyǵa 1998 jyly kóshíp kelíp, óz kúshímízben úı salǵan edík. Qaıǵyly jaǵdaılardan keıín barymyzdan aıyrylyp qaldyq. Óte qıyn boldy. Tanystardyń, tuystardyń úıín panalap júrdík. Ne ísterímízdí bílmedík. Partıyaǵa júgíngen kezde, eń aldymen adamgershílík tūrǵydan qoldau sezíndím. «Bíz kómektesemíz» degen sózderí bos aıtylmaǵan eken. Deputattar, memlekettík organdar, janashyr azamattar atsalysty. Úıímízdí qaıtadan jańadan tūrǵyzyp berdí. Bıyl óz úıímízge qaıta oraldyq. Būl bíz úshín úlken quanysh. Osyndaı qıyn kezeńde qoldau kórsetken barsha jandarǵa alǵysym sheksíz».
Búgínde tūrǵyn úı tolyq qalpyna keltírílíp, barlyq qajettí kommunıkatsıyamen qamtamasyz etíldí. Otbasynyń qauípsíz árí jaıly ómír súruíne jaǵdaı jasalyp, olar qalypty ómírge qaıta oraldy.
Būl jaǵdaı kúrdelí áleumettík máselelerdí sheshude júıelí tásíldíń tıímdílígín aıqyn kórsetedí. «AMANAT» partıyasynyń bastamasymen júzege asqan úılesímdí jūmys naqty nátıjege qol jetkízíp, azamattardyń ómír sapasyna tíkeleı áser ettí. Būl baǵyttaǵy jūmystar aldaǵy uaqytta da jalǵasyn tabady.