Qazaqstan men Túrkıya qosymsha tranzıttík rūqsat blankílerín bóluge kelístí
2021 jylǵy 2 mausymda QR Industrıya jáne ınfraqūrylymdyq damu vıtse-mınıstrí Berík Kamalıev Túrkıyanyń Kólík jáne ınfraqūrylym mınıstríníń orynbasary Selım Dursunmen vıdeobaılanys formatynda kelíssózderí óttí, dep habarlaıdy Almaty-akshamy.kz QR ınfraqūrylymdyq damu mınıstrlígíníń baspasóz qyzmetíne síltemelep.
Kelíssózder barysynda júkterdíń avtomobıl kólígímen tasymaldary salasyndaǵy ekíjaqty yntymaqtastyqtyń ózektí máselelerí, atap aıtqanda, rūqsat blankílerímen almasu máselelerí talqylandy. Qazaqstan tarapy júkterdíń toqtausyz tasymaldaryn qamtamasyz etu úshín ámbebap rūqsat blankílerí qoldanudy ūsyndy jáne osy rūqsattar Qazaqstan aumaǵy arqyly júkterdíń tranzıttík tasymaldaryna qoldanyla alady.
Kelíssózder nátıjesí boıynsha taraptar 2021 jylǵa Túrík tarapyna qosymsha 7000 tranzıttík rūqsat blankílerín beru boıynsha kelísímge keldí jáne sonyń íshínde 5000 rūqsat Qazaqstannyń porttary arqyly tasymaldarǵa, al 2000 rūqsat qūrlyqtaǵy ótkízu punktterí arqyly tasymaldarǵa arnalady.
Sonymen bírge Qazaqstan tarapy ózara tıímdí negízde tasymaldardy júzege asyru mehanızmín ázírleu jáne talqylau maqsatynda Qazaqstan men Túrkıya tasymaldaushylary assotsıatsıyalary ókílderíníń arasynda kelíssózder ótkízudí ūsyndy.