Qazaqstan prezıdentí Qasym-Jomart Toqaev Konstıtutsıyany qabyldauǵa arnalǵan saltanatty jıynda sóılegen sózínde raqymshylyq máselesíne toqtaldy, – dep habarlaıdy aqshamnews.kz tílshísí.
Onyń aıtuynsha, Halyq Konstıtutsıyasy – strategıyalyq sením mandaty jáne ūzaqmerzímdí maqsattar men órleu jolyna bastaıtyn jańa qoǵamdyq kelísím.
"Sondyqtan elímíz damudyń jańa kezeńíne qadam basty dep senímmen aıtuǵa bolady. Soǵan sáıkes, memleket pen azamattardyń yqpaldastyǵy qaıta jańǵyruy qajet. Ózderíńízge málím, byltyr qylmystyq jauapkershílíkke tartylǵandarǵa raqymshylyq jasaldy. Endí azamattar men memlekettíń qauípsízdígíne qater tóndírmeıtín bírqatar qylmystyq jáne ákímshílík qūqyqbūzushylyq boıynsha taǵy da raqymshylyq jarıyalauǵa bolady. Elímízde ákímshílík íster boıynsha raqymshylyq alǵash ret jasalatynyn atap ótkím keledí. Parlament qazírgí sessıyanyń sońyna deıín tıístí zań qabyldauy kerek.
Memleket basshysy būl – negízgí zańdaǵy adamgershílík ıdealdary men progressıvtí qūndylyqtardy qoǵamda ornyqtyratyn mańyzdy qadam ekenín atap óttí.
"Jańa Konstıtutsıya – halqymyzdyń yntymaq-bírlígíníń jarqyn sımvoly. Onyń baptarynda árbír qazaqstandyqtyń armany men ańsary, ūrpaǵynyń bayandy bolashaǵyna degen úmítí men senímí kórínís tapqan. Ata zań barsha azamattyń – Otanymyzdyń shynaıy patrıottarynyń basty baǵdaryna aınalady. Qazaqstannyń jańa Konstıtutsıyasy – álemdík órkenıettíń bıígíne bet alǵan ūltymyzdyń berík árí myzǵymyz tūǵyry. Meníń būǵan eshqandaı kúmáním joq. Sízderdíń de shúbálaryńyz bolmaıdy dep oılaımyn", dedí Qasym-Jomart Toqaev.