Qazaqstan quramasy VI Islam yntymaqtastyǵy oıyndarynda semserlesý boıynsha altyn medal jeńip aldy, dep habarlaıdy Aqshamnews tilshisi Týrızm jáne sport mınıstrliginiń baspasóz qyzmetine silteme jasap.
Mınıstrlik málimetinshe, komandalyq shpaga jarysynda Erlik Sertaı, Vadım Sharlaımov jáne Kırıll Prohodov qarsylastaryn senimdi túrde utyp, týrnırdiń jeńimpazdary atandy.
Starttyq kezdesýde qazaqstandyq sportshylar Qyrǵyzstan quramasyn 45:34 esebimen jeńdi. Jartylaı fınalda Oman komandasynan basym tústi: 45:26. Al sheshýshi fınalda jarys qojaıyndary Saýd Arabıasy quramasyn 45:29 esebimen tize búktirdi.
Osylaısha, Qazaqstan quramasy Islam yntymaqtastyǵy oıyndarynda taǵy bir altyn medal oljalady.